Popular Bible Verses from มาระโก 13

Share

ซือมียา ซือมูฮา นะ บือชี กะ กาเญา_ กรานา กาเญา ตูเฮะ กะ ปือนามา นะ กู เลอ. ตาปี ซือมียา ดีฮา_ นู ลาวัด ตาฮัด รอจ กะ นู ปือญูดัฮ เตอ_ ซือมียา อีตู เลอ_ นะ ฮีโดะ ลือปัซ บาฌิ ดัฮ.” ญา จะ.

กือนา ตูงู ฌาฆา เลอ_ ซาเบะ กาเญา เตด ตาฮู_ วะตู อีตู นะ รอจ กาลา.” ญา จะ.

กาลา กูญา นะ รีฆะ กาเญา_ อาตัจ กะ ซัน_ ฌางัน ฆาโดฮ ฮาตี ดูลู เลอ_ นู กาเญา นะ ตีกัฮ มือเลา ลาฆู นามา เตอ. ปือมือเลา นามา_ นู ตูฮัด นะ บรี_ เดะ วะตู อีตู เตอ_ กือนา มือญาเระ เลอ. ซาเบะ บูกัด ปือมือเลา นะ กาเญา_ ตาปี ฌาดี ปือมือเลา นะ ซือมืองัจ นะ ตูฮัด.

ลาแงะ ฌางัน ดือนียา นะ ลือแงะ ปี ฮาบิฮ ดัฮ_ ตาปี ปือมือเลา นะ กู_ นะ ฮอย เตด ลือแงะ ลาลู เลอ.”

“ตาปี นะ ฌาดี อารี ดีฮา_ วะตู ดีฮา_ ฮอย ซาปา นะ ตาฮู. มีเซ ลูมอฮ ฮูลู บาลัก เดะ ลาแงะ โปด_ กูญา เตด ตาฮู. นู นานะ นะ ตูฮัด โปด_ ญา เตด ตาฮู ฌูฆา. อาดา ซา อาโปก เดะ อาตัซ_ ญา เลอ นู ตาฮู.

กาลา กาเญา ดืองัยํ จะ_ อาดา นังฆรี บือปรัก โซะ อีนี_ โซะ อีตู เตอ_ ฌางัน นะ ฆาโดฮ ฮาตี เลอ. ซาเบะ ฆาโดฮ ฌาดี กะฆีเตอ ดัฮ_ ตาปี ฮอย เตด รอจ กะ วะตู ปือญูดัฮ ลาฆี.

กะฆีเตอ_ กาเญา ฌาฆา เลอ_ กรานา กาเญา เตด ตาฮู จะ_ ตูฮัด รูมัฮ นะ มาแรฮ กาลา. วะตู มาลับ เฆอ_ วะตู ตืองัฮ มาลับ เฆอ_ วะตู ฮายับ มูเกาะ_ เฆอ จะ_ วะตู ซียัก ดัฮ? กะฆีเตอ_ ฌาฆา เลอ_ ตาโกจ จะ_ ญา นะ บาลิ งูฆางู_ มาแรฮ ดาปัจ กาเญา ตืองัฮ ตีโนะ ลีนา. นู กู มือเลา ฌางัน กาเญา_ กู มือเลา ฌางัน ซือมียา ซือมูฮา จะ_ ฌาฆา เลอ.” ญา จะ.

อาดา ฌูฆา ลูมอฮ อีนี_ นะ บือลาวัด ฌางัน ลูมอฮ อีตู. นังฆรี โซะ อีนี_ นะ บือลาวัด ฌางัน นังฆรี โซะ อีตู. ญา นะ ฌาดี ตานัฮ บรีเงาะ_ บาญะ ตือปัจ. บาญะ ซือมียา นะ บือตาฮัด ซือบารัก มากัด. ลาฆู กะฆีเตอ_ นะ ฌาดี ซือรูปา ลาฆู ลามูลา_ เดะ วะตู นู ซูซัฮ โตระ.” ญา จะ.

บรีตา นู บาฌิ อีนี_ กือนา มือญาเระ กะ ลูมอฮ ซือมียา_ ราตา บักซา ดูลู.

กรานา อาดา ซือมียา บาญะ_ นู นะ อาเกะ ซือโบจ ปือนามา นะ กู_ มาแรฮ มือเลา จะ_ ‘กู นี ฌาดี ซือมียา อีตู เลอ’. กะฆีเตอ_ กูญา นะ บาวา โกะ ซือมียา บาญะ_ ปี ซือซัจ ฌาลัด.

“ตาปี กาเญา กือนา ฌาฆา ฮาตี ตะอาซิก บรี บาฌิ เลอ_ ซาเบะ กูญา นะ รีฆะ กาเญา_ อาตัจ ญาแญะ กะ ซัน. กาเญา นะ กือนา รือเปะ_ เดะ โกะ รูมัฮ บือมุน. กาเญา นะ กือนา บือดีรี_ โซะ ฮือลด โกะ ซือมียา ซัยํบือซัยํ_ โกะ ราฌา โปด_ กรานา กู. กะฆีเตอ_ กาเญา นะ ฌาดี ซะซรี กะ กูญา เลอ.

กรานา อาดา โกะ ราฌา นู บรี ซือลามัจ วัจบูวัจ_ ฌางัน โกะ ซือมียา ตูโดฮ วัจบูวัจ นะ บือฌาดี_ บาญะ อูรัก_ กูญา นะ บูวัจ บรี ลีฮัจ ปือนานา นู มือฆัฮ_ นู ปือและ ซูโงฮ. ดัฮ ฌาดี บือเลฮ_ กูญา นะ มืออูปัย_ บรี โกะ ซือมียา นู ตูฮัด ปีเลฮ ดัฮ_ นะ ซือซัจ ฌาลัด ฌูฆา เลอ.

“ตาปี ลือปัซ เดะ วะตู นู ซูซัฮ ปายัฮ โตระ อีตู ดัฮ_ เดะ วะตู อีตู_ มาตาอารี นะ กือลับ_ บูลัด นะ ฮอย เตด ซูโลฮ จรัฮ ลาฆี ดัฮ. ลูมอฮ บีตัก นะ ฆูโฆยํ เดะ ลาแงะ. โกะ ลาฆู ปือมือฆัฮ เดะ โซะ ลาแงะ_ นะ บรีเงาะ บือฆาญะ.