Popular Bible Verses from มาระโก 16

Share

เยซู มือเลา ฌางัน กูญา จะ_ “กาเญา เลอ_ กือนา ปี ราตา เดะ ดือนียา. มือญาเระ เลอ_ บรีตา นู บาฌิ อีนี_ กะ ซือมียา ราตา.

โกะ ซือมียา นู ปือจายา เตอ_ กูญา นะ บือเลฮ บูวัจ ปือนานา นู มือฆัฮ กะฆีนี. กูญา นะ โปรฮ ฮาตู ตรือเบะ ปี_ เดะ ปือนามา นะ กู. กูญา นะ บือเลฮ มือเลา โกะ บาซา นู บารู. กูญา นะ ปือฆัก อูลัยํ เตอ_ นะ มากัด อูบัจ ราโจด เตอ_ ตาปี ฮอย เตด ฌาดี นามา. กูญา นะ ปือเตาะ ตางัน_ กือนา เดะ โกะ ซือมียา เตด ซือนัง ญาวา_ บูวัจ บรี กูญา ซือนัง บาฌิ.” ญา จะ.

ซาปา นู ปือจายา_ ซาโมจ ลาฆู ซือลับ เดะ อาเย เตอ_ ญา เลอ_ นะ ฮีโดะ ลือปัซ บาฌิ. ตาปี ซาปา นู เตด ปือจายา เตอ_ ญา นะ กือนา กรัจ ฮูโกบ.

โกะ มูเระ ตรือเบะ ปี ราตาๆ_ มือญาเระ ลาฆู นะ ญา. ตูฮัด เตอ_ ญา บือกรือฌา บือซามา ฌางัน กูญา_ บรี อาดา ปือนานา นู บรี ลีฮัจ จะ_ ลาฆู อีนี_ ฌาดี ลาฆู นู ซูโงฮ เลอ.]

ตาปี ซือมียา อีตู มือเลา ฌางัน กูญา จะ_ “กาเญา ฌางัน ตือกือฌุจ เลอ. กาเญา มาแรฮ ซารี เยซู_ ซือมียา ตูโปะ นาซาเรด_ นู กือนา กาจิก เดะ กายู ปลีตัก. ญา เตอ_ ฮีโดะ ปาเระ เดะ มาตี ดัฮ. ญา ฮอย ปัจ อีนี ดัฮ. ลีฮัจ เลอ_ ตือปัจ นู กูญา บอฮ บาดัด นะ ญา.

กรานา บาตู อีตู บือซัยํ โตระ. ตานา กูญา ลางอฮ ลีฮัจ_ บือฆารี จะ_ บาตู อีตู เตอ_ ฆรือลิก บือตรือเบะ ดัฮ. ตานา กูญา มาโซะ เดะ ฆูฮา ดัฮ_ กูญา ลีฮัจ จะ_ อาดา อูรัก มูดา ซืออูรัก_ ปากัย บาฌู ปาญัก นู ปูเตฮ_ ญา ดูโดะ โซะ กานัน. นีบีนี อีตู เตอ_ กูญา ตือกือฌุจ โตระ.