Popular Bible Verses from Maleko 16

Share

Pea nee folafola‐age ia kia natou: “Koutou o ki te atulaulau katoa mo koutou fakailoilo te Logo Lelei ki te u tagata fuape.

Pea koeni te u milakulo e fai anai e natou kua tui: e natou kapu te u temonio i toku higoa; e natou lea aki te u lea kehekehe; e natou puke te u gata aki onatou nima; pea kapau e natou inu he mea kona fakatupu mate e mole natou logoi tona kovi; e natou hilifaki anai onatou nima ki te u mahaki pea e natou malolo ai.”

Ko ae e tui pea mo papitema e mauli ia; ko ae e mole tui e fakamau ia ki te kovi.

Kae ko natou nee olo leva o akonaki i te u potu kehekehe, kae nee kau mo natou te Aliki, pea nee fakamooni e ia ki te folafola aki te u milakulo nee alu tahi mo te folafola aia.

Kae nee ina ui‐age kia natou: “Aua naa koutou mataku. Ko Sesu Nasaleti e koutou kumi ki ai, ae foki nee kolusifikoi, kua tuu‐ake, e mole kei i heni ia. Koeni te potu nee tuku ia ki ai.

Pea, i tanatou sisio‐age, nee natou iloi kua osi teka kehe te maka aia, kae ko te maka nee lahi aupito. I tanatou hu ki te loto fale maka, nee natou sio ki he tupulaga kua heka ia i te toomatau, kua kofu aki te kofu hina, pea nee natou matataku aupito.