Popular Bible Verses from Zohan 14

Share

Phūkdāina na kōm una ka māk. Ka phūkdāina ka na pēk u. Maniapūrin ei na pēk u anga ni mak kei na pēk u. Na malung u anpōn nō rase, achī'm nō rase.

Isuo'n a kōma, “Koi hi lampui, atak lē damna kā ni. Koi ātā a ni nōk ten, tūtē Pā kōma hong nō ni.

“Na malung u anpōn nō rase. Pathian iam u ro, koi um na iam u ro.

Tenchu Sanpū, Rathā Ānthiang, Pā'n ka raminga ei hong tīr rangin, alompeia na manchū u'n ti. Na kōm una kei na ril u ngāi dōra chu na la hong manriat zit u'n ti.

Tūkareng ka chongpēk ngāi adōna, ātel tak chu koi a nā'n dit a ni. Tūkareng koi anā'n dit chu ka Pā'n ama chu ādit in ti. Ama chu ādit ka tia, a kōma anlang ka ting,” a tī na.

Pā kōma zārzong ka tia, amā'n Sanpū atei na pēk u'n ti, ama chu na bil una tāituona ei omna rang. Ama chu dikna Rathā a ni. Ama chu maniapūrin pom thei mak. Asik chu ama chu mu mak, riat um mak. Nangnī'n ama chu na riat u na. Asik chu ama chu na bil una om a, nangnīna om in ti.

Nangnī'n ka raminga nei zong u tak, thō ka ting. Nāipasala Pā ei ānlianna ranga a ni. Ka raminga nei zong u takpei, hava ha thō ka ting,” a tī na.

“Nangnī'n na nā dit u ten, ka chongpēk ngāi tel u ro.

Ka Pā ina omna mun ātampā a om. Om nō sela chu, na manthei u zei ning bā. Nangni ranga mun ansūk kā sē.

Nangni ranga mun ansūk kā sē ten, hong kīr rēt ka tia, ka kōma na ruoi u ka ting. Kei omnāna nangnī'm nei om una ranga.

Thoma'n a kōma, “Puma, nei sēna rang chu koinī'n riat mak mē, hontin mo hava lampui chu nei riat rang?” a tī na.