Zohan 14

Isuo'n a Zolāi ngāi Lungngam ei Sakna

1 # Sām 4:5 “Na malung u anpōn nō rase. Pathian iam u ro, koi um na iam u ro. 2Ka Pā ina omna mun ātampā a om. Om nō sela chu, na manthei u zei ning bā. Nangni ranga mun ansūk kā sē. 3#Mt 16:27Nangni ranga mun ansūk kā sē ten, hong kīr rēt ka tia, ka kōma na ruoi u ka ting. Kei omnāna nangnī'm nei om una ranga. 4Kei sēna rang chu na riat u, hava lampui chu nangnī'n na riat u,” a tī na.

Isuo hi Pā kōma Sēna Lampui

5Thoma'n a kōma, “Puma, nei sēna rang chu koinī'n riat mak mē, hontin mo hava lampui chu nei riat rang?” a tī na. 6#Kui 4:12; Efe 2:18; Heb 10:20Isuo'n a kōma, “Koi hi lampui, atak lē damna kā ni. Koi ātā a ni nōk ten, tūtē Pā kōma hong nō ni. 7#1Zn 2:23Koi hi nei na riat u ni sela chu, ka Pā'm riat zei u na ti ba. Atun ātā ama chu na riat a, na mū u zei,” a tī na.

8Filip-in a kōma, “Puma, Pā chu na manmu ro, hiva hi koini na ranga a hun,” a tī na. 9#Isa 9:6; 2Ko 4:4; Fil 2:6; Kol 1:15; Heb 1:3Isuo'n a kōma, “Filip, hiva dōr asōt na bil una kei om a ni zei, hanum ni sela, nei na la riat nōk mo? Koi a na mū suo chu Pā āmū kēng a ni zei. Nangin hontin mo, ‘Pā chu na manmu ro,’ nei la ti? 10Pāna koi kei om, Pā koia ei om tī hi iam u mak che mo? Na kōm una chong kei ril ngāi hi ka ningneina le kei ril om mak, tenchu Pā koia āomin sin chu ei thō. 11Pāna kei om lē Pā koia ei om tī hi na iam u ro. Hanōkten sin ngāi len sika luo chu na iam u ro.

12 # Mt 21:21; Lk 10:17 “Ataktaka kei na tī a ni u zei, koi anā iam tak chu, sin kei thō ngāi anga amā'm thō in ti. Pā kōma kei sē rang sika, hiva ngāi nēka sin alian thō in ti. 13#Mt 7:7Nangnī'n ka raminga nei zong u tak, thō ka ting. Nāipasala Pā ei ānlianna ranga a ni. 14Ka raminga nei zong u takpei, hava ha thō ka ting,” a tī na.

Rathā Ānthiang Āpēk rang Isuo a Chongtin

15 # Sām 103:18; 1Zn 2:3-5; Anl 12:17 “Nangnī'n na nā dit u ten, ka chongpēk ngāi tel u ro. 16Pā kōma zārzong ka tia, amā'n Sanpū atei na pēk u'n ti, ama chu na bil una tāituona ei omna rang. 17#1Ko 2:14Ama chu dikna Rathā a ni. Ama chu maniapūrin pom thei mak. Asik chu ama chu mu mak, riat um mak. Nangnī'n ama chu na riat u na. Asik chu ama chu na bil una om a, nangnīna om in ti.

18 # 1Rē 6:13; Mt 16:27 “Sākāngchāna na māk u nō ning. Na kōm una hong ka ting. 19Sōtluitē suona maniapūrin koi chu na mu lāi nō ni. Tenchu nangnī'n chu na mu u na ti. Kei dam sika, nangnī'm dam u na ti. 20#Rōm 8:10Hava nikhuo tika, ka Pāna koi kei om, koia nangni nei om u lē nangnīna koi kei om ti riat u na ti. 21#Dān 7:13; 1Zn 2:5Tūkareng ka chongpēk ngāi adōna, ātel tak chu koi a nā'n dit a ni. Tūkareng koi anā'n dit chu ka Pā'n ama chu ādit in ti. Ama chu ādit ka tia, a kōma anlang ka ting,” a tī na. 22#Lk 6:16; Kui 1:13; 10:41Iskariot-in (Zuda ni lui) a kōma, “Puma, maniapūr kōma anlang luia, hontin mo koini kōma nei ānlang rang?” a tī na. 23#Rōm 8:10Isuo'n a kōma, “Koi a nā'n dit takin, ka chong tel in ti. Ka Pā'n ama chu ādit in ti. Koini chu ama kōma hong in tia, ama le han ommun khuor in ti. 24#Dān 18:18Koi a nā'n dit nōk chu ka chong ngāi tel mak. Nangnī'n chong nei riat u ngāi hi ka tā ni mak, tenchu Pā a na hong ātīrpū tā kēng.

25“Na bil una kā om lāi hin hiva chong ngāi hi kei na ril u. 26#Kui 2:33; 1Zn 2:20, 27Tenchu Sanpū, Rathā Ānthiang, Pā'n ka raminga ei hong tīr rangin, alompeia na manchū u'n ti. Na kōm una kei na ril u ngāi dōra chu na la hong manriat zit u'n ti. 27#Atl 6:26; Sām 85:8; Mal 2:6; Lk 2:14; Fil 4:7; Kol 3:15Phūkdāina na kōm una ka māk. Ka phūkdāina ka na pēk u. Maniapūrin ei na pēk u anga ni mak kei na pēk u. Na malung u anpōn nō rase, achī'm nō rase. 28#Mt 16:27Na kōm u na, ‘Āsē rang kā ni zei, na kōm una hong rēt ka ting,’ kei na ti u ha na riat u na. Na nā dit u ten, Pā kōma āsē rang kā ni zei, kei ti sika na rāisān u'n ti. Asik chu ka Pā chu ka nēka ālian kēng. 29Atun hiva hi a hong ātung mān kei na ril a ni u zei. Hiva hi a hong ātung tikle nei iam thei una rang. 30Na kōm una ātam chong lāi nō ning. Asik chu maniapūr āvongpū chu āhong kēng a ni zei. Amā'n ka chunga ītē ningneina dōn mak. 31Tenchu Pā kei madit lē Pā'n chong ei na pēk anga kei thō chu maniapūrin ei riattheina ranga, kei thō a ni. Anthui u ro, hivan ātā suok u rei.

Currently Selected:

Zohan 14: RNL

Highlight

Copy