Zohan 15

Theirapomrāng lē a Bāk ngāi

1 # Sām 80:8-11; Isa 5:1-7 “Koi hi theirapom kung tak kā ni, Ka Pā hi theirapompū a ni. 2#Sām 92:14; Mt 3:8, 10; Gal 5:22; Efe 5:9; Fil 1:11Koia āom a bāk ānrā nōk dōra chu amā'n ei pei a ni. A bāk ānrā dōra chu ei ānrā riam theina ranga amā'n ei rathial a ni. 3#Efe 5:26Na kōm una ka chongril sika ānthiang kēng nā ni u zei. 4Ka kōma om u ro, koi um na kōm una om ka ting. Theirapom kunga a bāk anzom nōk ten, abāk chu anrā thei mak. Koia nā om u nōk ten, nangnī'm anrā thei u nō ta ni. 5Koi hi theirapom kung kā ni. Nangni hi abāk ngāi nā ni u. Tūkareng koia a om a, koi amāna kei omna chu, ātampā anrā in ti. Asik chu koi nōka nangnī'n ītē thō thei u mak chē. 6#Izk 15:4; Mt 3:10Tūkareng koia a om nōk ten, abāk anga ei ānpei a, a chār a. Amānī'n a mankhōm u na, moia a pei u na, a hāl u na. 7#Mt 7:7Koia nā om u na, ka chong nangnīna a om ten, nei zōt u tak zong u ro, hava chu na rang una anthōna om in ti. 8#Mt 9:8Nangnī'n marā tampā nei anrā u hin, ka Pā chu anliana a om a. Hantin han nangni chu ka zolāi ni u na ti. 9Pā'n ei nā dit anga, koi um nangni ka nā dit u. Kei nā dit una hin om u ro. 10Nangnī'n ka chongpēk ngāi hi na tel u ten, kei nā dit una hin om u na ti. Ka Pā chongpēk ngāi kei tel anga lē ama anditnāna kei om anga. 11Ka rāisānna nangni kōma ei om theina rang lē na rāisān una ei kip theina ranga, hiva chong ngāi hi na kōm una kei ril.

12“Hiva hi ka chongpēk a ni, kei nā dit u anga nangni lē nangni andit u ro. 13#Aph 44:33; Rōm 5:7-8A mal ranga ei damna āphal nēka anditna ālian tūtē'n dōn mak. 14#Zōb 16:20; Chn 18:24; Mt 12:50; Lk 12:4Chong kei na pēk u dōra na thō u ten ka mal nā ni u. 15Suok na ti u lāi mak ung. Asik chu a pumā'n imo ei thō suokin riat mak. Tenchu mal ka na ti u na. Asik chu ka Pā kōm ātā kei riat ngāi dōra nangni kei na manriat u a ni. 16#Mt 7:7; 27:26; Mk 15:25; Lk 23:25Nangnī'n nei na thang u ni mak, tenchu koiin kei na thang u kēng. Marā nei dōn u na, na marā u ei āntianna ranga kei nā ruot u a ni. Ka raminga Pā kōma nei zong u tak ei na pēk thei una ranga. 17Nangni lē nangni nei āndit una ranga, hiva ngāi hi chong kei na pēk u a ni.

Zolāi ngāi Maniapūrin a Mūmāk

18 # 1Zn 3:13 “Maniapūr mī'n a na mūmāk ten, nangni a na mūmāk u mān koi kēng ei na mūmāk tī na riat u na. 19Maniapūr mī ni u tānla chu, maniapūrin a tā chu ādit in ti ba. Nangni chu maniapūr tā ni u mak chē na, tenchu maniapūr ātā kei na thang u kēng, hasikhan, maniapūrin ei na mūmāk u a ni. 20#2Ti 3:12‘Suok chu a puma nēka lian mak,’ kei na ti u chu riattit u ro. Amānī'n koi a na sinsak u ten, amānī'n nangnī'm na sinsak u'n ti. Amānī'n ka chong a tel u ten, nangni chong um tel u'n ti. 21#Isa 66:5; Mt 5:10-11; Lk 6:22; Kui 5:41; 1Pe 4:14; Anl 2:3Ka raming sika hiva ngāi dōra hi na chung una amānī'n la thō u'n ti. Koi anā hong ātīrpū ei riat u nōk sika a ni. 22#Izk 2:5; Rōm 1:20A kōma una kei honga, chong kei ril nōk ni sela chu, āsia dōn u nō ni ba. Tenchu atun chu ei siat una nōntāk dōn u lāi mak. 23Koi a nā'n mūmāk tak chu ka Pā'm ei mūmāk u kēng. 24Asik chu tūtē'n ei thō nōk sin a kār una kei thō nōk ni sela chu, amānī'n āsia dōn u nō ni ba. Tenchu atun chu amānī'n a mū u zei a, hatuka koi lē ka Pā'm a na mūmāk rit u na. 25Tenchu amāni dānbūna a lei ānziak anga, ‘Amānī'n asik abuia ei na mūmāk u,’ (Sām 35:19; 69:4) tī chongkam ei kip theina rang a ni.

26 # 1Zn 5:7 “Sanpū, Pā kōm ātā nangni kōma kei hong tīr rang, Pā kōm ātā āhong dikna Rathā a hong tikle, amā'n ka rui hong manriat in ti. 27#Lk 24:48; 1Zn 1:2Aphut len ātā ka bila nei om u sika, nangnī'm āriatpū ni u na ti.

Currently Selected:

Zohan 15: RNL

Highlight

Copy