Popular Bible Verses from Lūk 11

Share

Nangni misalui ngāi luo mana, na nāi u ngāi neinun asa āpēk na riat u ten, vānrama na Pā u vāngin chu azong tak kōma ituk atama mo Rathā Ānthiang chu ei pēk rang,” a tī na.

Hasikhan kei na tī a ni u zei, zong u ro, anpēka om u na ti. Ravān u ro, man u na ti. Atōk u ro, na rang una anlong in ti.

Asik chu āzong takin a man a. Ānrok takin a mū na. Āntōk tak ranga anlong in ti.

Amā'n a kōm u na, “Zār na zong u le hintin hin ti u chachak ro: “ ‘Vānrama koini na Pā, Na raming ānthiang lalchi om rase. Na rēngram hong tung rase. Chunga na malungdō anga, Philā'm om rase.

Koini ranga āsia a na thō Ngāi nei maduol anga, Koinī'n nei masial ngāi um na maduol ro. Hanūk chu ansinna tianga na ruoi nō tān, Āsia nātā na mazōk ro,’ ti u ro,” a tī na.

Anikhuo'n tina koini ranga Nēksāk na pēk ro.

Taksa lēm chu mit hi a ni. Na mit a sa ten na taksa pumpui um raāng abit kēng. Tenchu na mit a sa nōk ten, na taksā pumpui um azīng khap kēng.

“Tūtē'n lēm abela mun anthupa mo ole kok thuoia mo siak ngāi mak. Tenchu a hong ālūt ngāiin raāng ei mū thei una rang, lēmchuongnāna kēng a siak ngāi.