Popular Bible Verses from Jaan 19

Share

Jesu 'mlaa' viinɛgrëlë nɩ, 'ɔ ‑nëma: «'Ia 'fɩɔ 'a 'wlara.» 'Ɔ ‑ŋäa' 'wli 'kä, 'ɔnya 'balɩ ‑fʋflʋ.

'Ia 'fɩɔ ‑sia', Jesu jrea' 'saa 'ɔa 'jrʋpa 'a 'wlara, ‑bɛ wiili ‑jɩjraa' nyɔsʋapɔɔkʋ 'lɩ 'mäa' nrörö nɩ, 'ɔ ‑nëma: «'Mamlatʋ 'blaa 'mɩ!»

Jesu 'järäa' 'ɔa 'yioa ‑gba 'ɔa 'wʋnyɛrɛnyɔɔlɔ 'ɔ ‑waa' nɩ, 'ɔnya ‑gbala 'ɔa 'yio: «'Ŋlʋʋ o, ‑jää ‑na 'jʋ.» 'Ɔnya ‑gbala bɩa 'ɔa 'wʋnyɛrɛnyɔɔlɔ: «‑Jää ‑na 'yio.» 'Bala ‑plɩɩ 'ɔa ‑nyɛɛ 'ɔ fa 'ɔɔn.

'Ümä Jesu ‑gba 'tɔkalɩ mi nɩ, 'ɔ 'a ɩ jä. 'Ü ‑kanyɩ 'ɔa bei ‑a 'kata. ‑Maa 'sʋgɩanyɔɔ 'doo nʋ 'ɔa 'die 'ɔnya 'floo Jesua ‑gbatu 'pɛ 'dee, 'a ‑plɩɩ ‑toru nyra 'nɩ kʋ 'inya 'cie.

Wiili jräa' 'lɩ nɩ, 'a wiili ‑jɩjraa' nyɔsʋapɔɔkʋ 'lɩ, 'ii nrörö: « 'Ɔa 'kɔʋ 'doo 'nyɩ 'katra ‑a 'katra .» Nyɔsʋapɔɔkʋ ‑nëma 'sɔɔwʋ: « Nyɔɔlɔ 'ü 'flooa', 'ünya 'ɔa 'pɛlɩ kälɩ ‑siea' .»

Jesu ‑gbötö krʋalä kä ‑gälɩ 'ümäa' 'ɔɔn kolo, 'ünya 'cie bätä, 'ünya mi ‑plɩɩlɩ 'ü 'daraa' 'Wukapɛa ‑gba; 'ii 'ü 'dara Gɔlëgotaa Ebrööwii 'lɩ.

'Sʋgɩalë nya da nänë 'kɩɩ ‑tapa 'wlugböa 'sa 'ünya ‑tʋ 'ään 'ɔmɩ 'wli. 'Ünya 'pa 'ɔɔn ‑fɔflɔɔ 'kotu kpaku ‑gälɩ ‑beere 'kɩɩ.