Popular Bible Verses from 1 KORINTUS 15

Share

Injomo saba'na, Urang siana' mala'biriku, ammenteng ka'jangiko, akolalo bata-bata, na gassingko lalang rijama-jamaang Karaeng! Saba' muisse'mu ma'nassana lalang ripassamaturukang surangang Karaeng karesomu lohe matu-matunna.

Mingka sukkuru mange ri Allataala, tumaeng assare mae ri ditte pambeta patteteang ri Isa Almase, Karaengta.

Akolalo lingui: Pa'bahaang gele intu baji' laappakadaa kabiasaang nubaji'.

Mingka kanara pangamaseang Allataala nakke injo appaanteekamua nakke rikonni-konnina, na pangamaseang nulapassareang injo Allataala mae ri nakke gele nutide' matu-matunna. Sibale'na, nakke la'bi terasa anjama battu ri iyai ngase'; mingka gele sangga nakke, passangadinna pangamaseanna Allataala numinahang injo ri nakke.

Oe kamateang ri antee mae pambetaammu? Oe kamateang ri antee mae ti'jo'mu?” Ti'jo' kamateang iamo intu kadorakaang na kahasa kadorakaang iamo intu hukkung Tora'.

Sitoje'na nakke appisa'bi mange ri kaui se're harasia: Ditte geleki lapanra' ngase', mingka ditte ngase' laripinra, lalang risipappikkaang mata jua, rihattu ammonina timboe' kala'busang na sikuanna tau mate laripakaattallasa muliang lalang rikatallasang nugelemo lapanra' na ditte ngase' laripinra.

Saba' assimpole kamateang rie'i kanara se're rupatau, appakonjo todo'i attallasa'na muliang tau mate inni rie'i kanara se're rupatau. Saba' assimpole sikuanna tau mate lalang ri passamaturukanna ri Adam, appakonjo todo'i sikuanna tau laripakaattallasai muliang lalang ripassamaturukanna ri Almase.

Saba' tubu panra' injo parallui make tubu nugele akkulle lapanra', na nuakkulle inni lamate parallui make tubu nugele akkulle lamate.

Saba' Ia parallu laneteng pamarentaang assimpole Karaeng sa'genna Allataala lataro ngase' sikonjo balinNa rahangang bangkenNa. Bali nukaminang kala'busang, laripakatunru' iamo intu kamateang.