Popular Bible Verses from 2 KORINTUS 4

Share

Saba' kambe gelekang appariati nukajanjangang, passangadinna nugele kajanjangang, saba' nukajanjangang intu sinampe' juai, mingka nugele intu kajanjangang iamo tide' tappu'na.

Injomo saba'na, gelekang tappu' panrannuang, mingka manna injo tubu kasara'ba inni pela' toa, mingka tubu alusu'ba allo-alloi pela' ripakabau. Saba' kamarasaiang ringang rikonni-konnina, laappabattui ri kambe kala'birang tide' tappu'na nualla'bi risikuanna, sarro la'bi bakkakanna battu rikamarasaiamba.

Lalang risikuanna passala inni kambe ripakasissa, mingka gelei a'baru'bu' ta'epe', kala'busangkang riakkala, mingka gelekang tappu' panrannuang; kambe ripakamarasai, mingka gelekang ribokoi akkale-kale, ripatappasakang, mingka gelekang mate.

Mingka kakalumannyangang inni taampunnai lalang ri gusi, solanna kaissekangi ma'nassana kagassingang alla'bi-la'bi injo assala'na nubattu ri Allataala, gele nubattu ri kambe.

iamo intu sikuanna tau gele injo tappa', nupikkiranna maeng ripakabuta ri Ibilisi tukahasana jammang inni, sa'genna gele lajanjangi sinara Injili passala kala'birang Almase iamo ja'banganna Allataala.

Saba' Allataala maengi appau, ”Battu lalang rikalammang laambassi' sinara!”, Ia todo' labua'i sinara'Na assau lalang ri atita, solanna ditte nguppa sinara battu ripangisse' passala kala'birang Allataala nukajanjangang injo ri rupanna Almase.