Popular Bible Verses from MATIUS 5

Share

La'bipa pole tau inni gele lapabola' kanjolina ampai lataro rahangang talle, mingka rate ri bangkeng kanjoli jari lasinari sikuanna tau rie' lalang ri sapo injo. Appakonjo sibaji'na sinara'mu assau ri a'rakanna tau, solanna iyai lajanjangi panggeokang baji'mu na lapakala'biri Ammammu ri Suruga.”

Kauimo intu sinara'na lino. Kota rie' injo rate ri bonto gele ma'ring latassa'bu.

Sunggulaloi tau tangkasa intu nyahana, saba' iyaimo lanjanjang Allataala.

Sunggulaloi tau pa're na tirere intu ria'ra'na Allataala, saba' iyaimo laripakala'ju.

Mingka Nakke appau mange ri kaui: Kamaseangi balimmu na pangera dowaanglalo iyai tuma'ri'-ma'risi injo ri kaui.

”Sunggulaloi tau kaasi-asi intu ri a'rakanna Allataala, saba' iyaimo ampunna Pakkaraengang Suruga.

Sunggulaloi tau ngerang intu dame, saba' iyaimo lariare' ana'-ana' ri Allataala.

Sunggulaloi tau pa'risi intu, saba' iyaimo larisihi-sihi.

Sunggulaloi tau ripa'ri'-pa'risi intu kanara anggeokanna a'ra'na Allataala, saba' iyaimo ampunna Pakkaraengang Suruga.

Sunggulaloi tau rie' intu pangamaseanna, saba' iyaimo languppa pangamaseang.

Sunggulaloiko, ampa kanara Nakke kau risalla na ripa'ri'-pa'risi na mange ri kau ripitina sikonjo sipa' daa. Te'ne surang rannuilaloko, saba' bakka' sahala'mu ri Suruga, saba' appakonjo todo'i maeng ripa'ri'-pa'risi sikonjo nabbi riolongammu.”

Sunggulaloi tau lumu intu nyahana, saba' iyaimo langampunnai lino.

”Kauimo intu se'lana lino. Ampa se'la injo a'jari la'ba, apamo laripake appakapa'ja? Gelemo rie' matu-matunna maraenganna ripela'i na lalisa'i tau.

Injomo saba'na, sibaji'na kaui sangka', assimpole sangka'na Ammammu ri Suruga.”

Ampa ya, sibaji'na kaui appau: Ya, ampa gele, sibaji'na kaui appau: Gele. Ampa rie' nula'bi battu ri injo assala'na nubattu risipa' daa.

Kau maeng mulangngerei nuripau injo: Mata assambe mata na gigi assambe gigi. Mingka Nakke appau ri kaui: Akolalo baliangi tau a'geo' daa injo mange ri kau, mingka inai-inai jua latampiling pilisi kanammu, sareang todo'i pilisi kairimmu.

Ampa mata kanammu lapassabakiko doraka, su'bi'lalo na pela'i, saba' la'bi bajikangi ri kaui ampa se're bageang ri kalemmu panra', nasibatu batangkalemmu ripantama' lalang ri naraka. Ampa lima kanammu lapassabakiko doraka, pappa'laloi na pela'i, saba' la'bi bajikangi ri kau ampa se're bageang battu ri kalemmu panra' nasibatu batangkalemmu antama' ri naraka.