Popular Bible Verses from MATIUS 6

Share

Mingka bojalalo riolo Pakkaraengang Allataala surang a'ra'Na, jari iangase'na ritambai mange ri kau.

Injomo saba'na, akolalo bata-bata ripassala allo mintara, saba' allo mintara rie' to'jua bata-batana. Kasusaang siallo ganna'mu ri siallo.”

”Injomo saba'na, Nakke appau mange ri kaui: Akolalo bata-bata ripassala tallasa'mu, ripassala apa nua'ra' lamukanre iyareka lamuinung, na akolalo todo' bata-bata ripassala batangkalemmu, ripassala apa nua'ra' lamupake. Gelejua tallasa intu la'bi parallu battu rikanre na batangkale intu la'bi parallu battu ri pakeang

Mingka ampa kau ngera dowaang, antama'ko ri bili'mu, tongko'i pallo'bi'na na ngera dowaangko mange ri Ammammu nurie' injo ri tampa' tassa'bu. Ri appakonjona, Ammammu nuanjanjang injo nutassa'bu laa'balasa mange ri kaui.

Injomo saba'na, ngera dowaanglaloko appakonni: Ammamba ri Suruga, Ripakatangkasalalo aremMu, rie'lalo PakkaraengamMu, a'jarimu a'ra'Mu ri lino assimpole ri suruga.

Sareangkang allo inni kanreamba siganna'na

na ampungilalokang battu rikasalaamba, assimpole kambe todo' ngampungi tau rie' injo salana mae ri kambe

na andakang rilappasang laantama' lalang ripasso'ri, mingka lappasanglalokang battu risipa' daa. [Saba' Kaumo opuna Pakkaraengang na kahasa surang kala'birang situlusu'na. Aming.]

Saba' ampa kau ngampungi kasalaang tau, Ammammu ri suruga langampungi todo' ri kau.

Pariatisai jangang-jangang injo ri langi' nugele a'lamung na gele anduru na gele apparappung bokong lalang ri palampang, mingka risare kanre ri Ammammu ri suruga. Gelejua kaui la'bi riekang anggaranna battu ri jangang-jangang injo?

”Akolalo apparappung kakalumannyangang ri kalemmu ri lino; ri lino rangnga' na ta'gara lamanraki na palukka' langonsala ampai lalukka'. Mingka parappungi kakalumannyangang ri suruga; papparappungangi kalemmu pa'barang-barangang ri suruga; ri suruga rangnga' na ta'gara gele lapanraki na palukka' gele laonsala ampai lalukka'. Saba' ri antee mae pa'barang-barangammu, ri injo todo'i nyahamu.

Gele rie' manna se're tau akkulle akkasihiang ri rua karaeng. Saba' ampa appakonjo, ia lalikingi mange rise're tau na ngamaseangi mange ri tau maraeng injo, iyareka ia lamallang mange rise're tau na gele lapilangngeri tau maraeng injo. Geleko akkulle akkasihiang mange ri Allataala surang mange ri Mamon battuanganna: Kakalumannyangang lino.”

Jari, ampa appakonjo Allataala lapakaballo ruku' rie' injo ri parang, nuallo inni rie'i na mintara ripabuangi antama' ri api, gelejua Ia la'bi lapakaballoko, oe tau kurang tappa'?

Mingka ampa kau assare passidakka, andalalo laisse' lima kairimmu apa nulageokang lima kanammu. Sibaji'na passidakkamu injo ripassareangi surangang tassa'bu, jari Ammammu nuanjanjang inni nutassa'bu laa'balasa mange ri kaui.”

”U'rangi, akolalo geokangi atoranna agamamu ri a'rakanna tau solanna rijanjang ri iyai, saba' ampa appakonjo, kau gele nguppa sahala battu ri Ammammu ri Suruga.

”Ampa kau appuasa, andalalo luja rupammu assimpole tau munape'. Iyai injo lapakaluja rupanna, solanna lajanjang tau ma'nassana iyai attangnga appuasa. Sitoje'na Nakke appau mange ri kaui: Iyai injo maeng lauppamu sahala'na. Mingka ampa appuasaiko, minnyakilalo ulummu, na tima'ruki rupammui, solanna andai lajanjang tau ma'nassana kaui appuasa, passangadinna sangga ri Ammammu jua nurie' injo ri tampa' tassa'bu. Jari Ammammu nuanjanjang injo nutassa'bu laa'balasa mange ri kau.”