Popular Bible Verses from ROMA 1

Share

Saba' nakke gelea siri' rikanara Injili, saba' Injili intu iamo kagassinganna Allataala nuappakasalama' mange risikuanna tau tappa', pakaramula ri tau Yahudi, mingka mange todo' ri tau Yunani.

Saba' assinna lalang a'butti pappa'naba ri Allataala, pappoonganna nubattu rikatappakang na ngerangi mange rikatappakang, assimpole rie' ta'ukiri: ”Tau ripa'naba injo laattallasai, rikanara katappakang.”

Saba' sipa'-sipa'Na nugele injo kajanjangang, iamo intu kagassinganNa nugele injo rie' la'busu'na surang kakahasaanNa, akkulle kajanjangang na ripahangi battu rinulabua' injo minang ripakaramulana ripaa'jari lino, sa'genna geleimu akkulle assassala.

Saba' manna injo laisse'i Allataala, iyai gelejuai appakala'biri ri Ia assimpole Allataala iyareka appanai' sukkuru mange ri Ia. Sibale'na pikkiranna a'jari tide' matu-matunna na ati ba'ganai a'jari kalammangi.

Saba' iyai lasambeimu kanabaang ri Allataala surangang bura-bura na appakabakka'i surang nyombai mahallo' surangang lakaluppai tuappaa'jarina nuparallu injo ripakabakka' situlusu'na. Aming.

Saba' kuku'na Allataala ripappisa'biangi battu ri Suruga mange risikonjo sipa' daa na geo' salana rupatau inni, nunattalang injo kanabaang surangang rigeo' sala.

Injomo saba'na Allataala lapassareang ngase'i mange ri hawa napasu daa appakasiri' injo, saba' bahinenna labokoi geo' samara injo surangang geo' nugele samara. Appakonjo todo'i tubura'ne injo labokoi geo' samara injo surangang bahinenna na bakka' sinnana mange riparanna tau bura'ne, sa'genna anggeokangi nudaa, bura'ne surang bura'ne, na kanara injomo narima ngase'i lalang ri kalennai pa'balasa nuassituru' rikalinguanna. Na kanara geleinnna appisa'ring parallu tappa' ri Allataala, jari Allataala lapassareang ngase'i mange risikonjo pikkirang busung, sa'gennai anggeokang nugele siratang

A'geo' assimpole tau rassi pangisse', mingka sitoje'na a'jari ngase'mu tau ba'ga. Lasambei kala'biranna Allataala nugele injo lala'busu surangang ja'bangang nulassimpole rupatau lamate, jangang-jangang, binantang appa' bangkenna iyareka binantang a'lolo'.