Popular Bible Verses from ROMA 3

Share

Saba' sikuanna tau maeng ngase'mu a'bua' kadorakaang na labokoi kala'biranna Allataala, na saba' ripangamaseanNa maeng risareang kale-kale pappa'naba patteteang pallappasi lalang ri Isa Almase.

iamo intu pappa'naba passabakang ri Allataala patteteang tappa' lalang ri Isa Almase mange risikuanna tau tappa'. Saba' tide' passisalaang.

Isa Almase maeng ripattantui ri Allataala laa'jari patteteang passidameang passabakang ri tappa', lalang ri raraNa. Passala inni lageokangi Allataala lalapappijanjangang kaadelanNa, saba' Ia maemmu lapalalo sikonjo kadorakaang a'jari riolo rihattu kasabbaranNa. PattujunNa iamo intu lapappijanjangangi kaadelanNa rikonni-konnina ma'nassana Ia adele na appa'naba todo'i tau tappa' injo mange ri Isa.

Saba' gele rie' manna se're tau akkulle ripa'naba ri a'rakanna Allataala kanara rianggeokanna jua hukkung Tora', nakanara ri hukkung Tora'mo tau inni ngisse' kadorakaang.

assimpole rie' ta'ukiri: ”Tide' tunaba, gele rie' manna se're tau. Tide' manna se're tau rie' akkala baji'na, tide' manna se're tau a'boja Allataala. Iangase'na tau maeng ngase'mu a'lili, iyai ngase' tide' matu-matunna, tide' tau anggeokang nubaji', tide' manna se're tau.

Saba' kambe jarre'kang, ma'nassana rupatau inni ripana'bai kanara tappa', gele kanara anggeokanna hukkung Tora'.

Gelei akkulle! Sibale'na: Allataalamo intu naba, na sikuanna rupatau sanging pabura-bura, assimpole rie' ta'ukiri: ”Solanna toje'i kanabaamMu lalang risikonjo pappauMu, na ambeta, ampa Kau riadeli.”