Popular Bible Verses from ROMA 4

Share

Mingka mange ri sapattana Allataala ia gelei bata-bata kanara gele tappa', mingka ia ripakasa'ga'i lalang rikatappakanna na ia appakala'biri Allataala, surang sukku' jarre'na ma'nassana Allataala kahasa lalageokangi apa numaeng injo Ia lasapattaang.

assimpole rie' ta'ukiri: ”Kaumo maeng Kutantuang laa'jari amma risikuanna tau” – ri a'rakanna Allataala nulakatappaki injo, iamo intu Allataala appakaattallasa injo tau mate na battu risikonjo pauNa lapaa'jari iangase'na apa nutide' a'jari rie'i.

iamo intu Isa, tumaeng injo ripassareang rikanara kasalaanta na ripakaattallasai muliang laappa'naba ri ditte.

Saba' manna injo tide' poong laripattajallii, mingka Abraham tajalli todo'i surang tappa'i ma'nassana ia laa'jari amma risikuana tau, assituru' numaeng lapau injo Allataala, ”Appakonjomu lohena tuimu sallo'.”

Kanara injomo, sapatta injo assituru'i katappakang solanna assimpole surangang pangamaseang, sa'genna sapatta injo tattaba risikonjo tuina Abraham, gele sangga mange jua ri tau anggeokang injo hukkung Tora', mingka mange pole ri tau attallasa injo battu katappakanna Abraham. Saba' Abraham iamo intu ammanta ngase',

”Sunggulalo tau riampungi injo risikonjo kasalaanna, na turitongko' injo risikonjo kadorakaanna; Sunggulalo tau nukadorakaanna gele larekeng Allataala ri ia.”

Saba' apa lakua Kitta' Tangkasa? ”Jari tappa'mu Abraham mange ri Allataala na Allataala larekengi passala injo mange ri ia assimpole kanabaang.”