Popular Bible Verses from ROMA 5

Share

Mingka, Allataala lapappijanjangangi mae ri ditte pangamaseanNa lalang ripassala inni: Rihattunta juapa doraka, Almase maeng lakamateiki.

Na pattajalliang injo gele appakaammassa nyaha, saba' pangamaseanna Allataala maeng lapantama'mu lalang ri atita battu ri Nyaha Tangkasa numaeng lapassareang injo mae ri ditte.

Gele sangga injo jua. Mingka ditte a'bangga-bangga todo'ki lalang rikasissaanta, saba' ditte riisse'i ma'nassana kasissaang injo appakarie' kasabbarang, na kasabbarang injo appakaammumba terasa ripasso'ri na terasa ripasso'ri appakaammumba pattajalliang.

Injomo saba'na, ditte turipa'naba injo kanara tappa', ditte attallasaki lalang dame salehangang surangang Allataala patteteang ri Karaengta, Isa Almase. Patteteang ri Ia ditte nguppa todo'ki pa'lalangang laantama' rikatappakang ripangamaseang inni. Ri pangamaseang innimo ditte ammenteng na ditte a'bangga-bangga lalang ripattajalliang lanarima kala'birang ri Allataala.

Saba' rihattunta juapa lamma, Almase maemmu lakamatei sikuanna tau doraka rihattu nuritantuang injo ri Allataala.

La'bipapole, saba' ditte konni-konnina maeng ripa'nabamuki kanara raraNa, ditte attantumu laripakasalama' patteteang ri Ia battu rikuku'na Allataala.

Saba', assimpole patteteang rikanara gelena tunru' se're tau jari lohemo tau a'jari doraka, appakonjo todo'i pateteang tunru'na se're tau na lohe tau a'jari tau naba.

Gele sangga injo jua! Mingka ditte a'bangga-banggaki lalang ri Allataala patteteang ri Isa Almase, Karaengta, saba' patteteang ri Iamo ditte riuppai pa'dameang injo.