Popular Bible Verses from ROMA 6

Share

Saba' sahala kadorakaang iamo intu kamateang; mingka barakka' pangamaseang ri Allataala iamo intu tallasa mannannungang lalang ri Isa Almase, Karaengta.

Saba' kadorakaang gelemu lakahasa muliang ri kaui, saba' gelemoko rie' lalang ri hukkung Tora', mingka lalang ribarakka' pangamaseang.

Ri appakonjona, ditte maeng ripassiloangangki surangang Ia ripanrio lalang rikamateanNa, solanna, assimpole Almase maeng ripakaattallasa muliang battu ritangnga-tangngana tau mate kanara rikala'birang Amma, appakonjo todo'i ditte ripakama'ringki attallasa lalang rikatallasang nubau.

Andalaloko passareangi kalemmu mange rikadorakaang lalapake assimpole poke risipa' daa, mingka passareangi kalemmu mange ri Allataala assimpole sikuanna tau, maeng mate injomo riolo, mingka konni-konnina attallasai muliang. Na passareangi kalemmu mange ri Allataala lalapaa'jari poke rikatojekang.

Saba' riisse'i ma'nassana rupatau sallota minahangi risalli', solanna tappela' kahasana batangkale dorakata, bisannabali andai ripaa'jari ata muliang kalenta mange rikadorakaang.

Appakonjomu sibaji'na panguppamu: Ma'nassana maeng matemoko rikadorakaang, mingka attallasako ri Allataala lalang Isa Almase.

Ampa appakonjo, apamo a'ra' laripau? Makala akkullejuaki sannang lalang rikadorakaang, solanna pela' attamba lohei pangamaseang injo? Gelei appakonjo! Gelejua ditte matemuki rikadorakaang, anteei kamua ditte naakkulle juapaki attallasa ri injo?

Apa gelei muisse' ma'nassana ampa mupassareang kalemmu mange rise're tau assimpole ata lamuturuki, a'jari atannamoko tau injo, nuparallu muturuki, baji' injo rikadorakaang nulaerang injoko mange rikamateang, baji' injo patunru' nulaerang injoko mange rikanabaang?

Mingka sukkurumoko mange ri Allataala! Riolo kau ata kadorakaang, mingka konni-konnina kau surangang sisukku'na atimu maeng muturuki pangajara numaeng ripabattu injo mange ri kau. Maeng ripakalappasimoko battu rikadorakaang na a'jari ata kanabaang.