Popular Bible Verses from نامۀ اَوَل وَ کِلیسِی قُرَنتُس 13

Share

محبت صبور وِ مِرَبونِه؛ محبت حَسودی نیکِنِه وُ وَ خُوش نیبالِه؛ محبت غُد نی محبت بی‌تربیت نی. محبت وَ دینِ نفعِ خُوش نی؛ محبت خِشم نیکِنِه وِ کینَه وَ دل نیگِرِه؛

محبت بِی هَمَه چی مدارا ایکِنِه، محبت هَمَه چی نَه باوَر ایکِنِه، محبت همیشَه اِمید دارِه، محبت مِنِه هَمَه چی طاقت ایارِه.

محبت وَ بَدی خوشحال نیابو، امّا بِی حقیقت شایی ایکِنِه.

وِ ایسو، ای سه چی وَجا ایوِیسِه: ایمون، اِمید وِ محبت. امّا وَ هَمَه گَوتَر محبَتِه.

محبت وَتَه تموم نیابو. امّا نَبُوَتَل وَ بِین ایرَن وِ زُوونَل تموم ایابون وِ علم وَ بِین ایرَه.

اَر وَ زُوونِ آیَمَل وِ فرشته‌یَل گَپ بِزَنُم، امّا محبت نَیاشتَه بوم، مِی زنگِ ناقوس وِ سنجی پُر سَرِصیایَم.

وِ اَر قدرتِ نبوّت داشتَه بوم وِ تَمومِ سِرَّل وِ تَمومِ علمَلَه بِفَمُم، وِ اَر ایمونی تمام وُ کمال داشتَه بوم طوری که کُویَلَه جاوَجا کِنُم، امّا محبت نَیاشتَه بوم، هیچُم.

اَر تَمومِ اوچیئی که دارُم صَدَقَه بییُم وِ اَر بَیَنِ خِمَه تسلیم کِنُم تا بِی بِرازِه‌یَلِ تَش بِسوزَنِن، امّا محبت نَیاشتَه بوم، هیچ نَفعی نیبَرُم.

اوسِه که بَچَه بییُم، مِی بَچه‌یَل گَپ ایزَم، مِی بَچه‌یَل فکر ایکِردُم، مِی بَچه‌یَل دلیل ایاوُردُم. وختی مِرد وابی‌یُم، وَ کارَلِ بَچَه گونَه دَس وَگِرُتُم.