نامۀ اَوَل وَ کِلیسِی قُرَنتُس 13
13
رَه محبت
1اَر وَ زُوونِ آیَمَل وِ فرشتهیَل گَپ بِزَنُم، امّا محبت نَیاشتَه بوم، مِی زنگِ ناقوس وِ سنجی پُر سَرِصیایَم. 2وِ اَر قدرتِ نبوّت داشتَه بوم وِ تَمومِ سِرَّل وِ تَمومِ علمَلَه بِفَمُم، وِ اَر ایمونی تمام وُ کمال داشتَه بوم طوری که کُویَلَه جاوَجا کِنُم، امّا محبت نَیاشتَه بوم، هیچُم. 3اَر تَمومِ اوچیئی که دارُم صَدَقَه بییُم وِ اَر بَیَنِ خِمَه تسلیم کِنُم تا بِی بِرازِهیَلِ تَش بِسوزَنِن، امّا محبت نَیاشتَه بوم، هیچ نَفعی نیبَرُم.
4محبت صبور وِ مِرَبونِه؛ محبت حَسودی نیکِنِه وُ وَ خُوش نیبالِه؛ محبت غُد نی 5محبت بیتربیت نی. محبت وَ دینِ نفعِ خُوش نی؛ محبت خِشم نیکِنِه وِ کینَه وَ دل نیگِرِه؛ 6محبت وَ بَدی خوشحال نیابو، امّا بِی حقیقت شایی ایکِنِه. 7محبت بِی هَمَه چی مدارا ایکِنِه، محبت هَمَه چی نَه باوَر ایکِنِه، محبت همیشَه اِمید دارِه، محبت مِنِه هَمَه چی طاقت ایارِه.
8محبت وَتَه تموم نیابو. امّا نَبُوَتَل وَ بِین ایرَن وِ زُوونَل تموم ایابون وِ علم وَ بِین ایرَه. 9سییِکِه ایما یِچِی دونیم وِ یِچِی نَبُوّتِ ایکِنیم؛ 10امّا وختی کامل بیا، یِچِی وَ بِین ایرَه. 11اوسِه که بَچَه بییُم، مِی بَچهیَل گَپ ایزَم، مِی بَچهیَل فکر ایکِردُم، مِی بَچهیَل دلیل ایاوُردُم. وختی مِرد وابییُم، وَ کارَلِ بَچَه گونَه دَس وَگِرُتُم. 12ایسو، اوچیئی که ایسِه ایبینیم، مِی شکلِ ماتی یَه مِنِه اِینَه؛ امّا زمونی ایرَسِه که وَ ریوَری ایبینیم. ایسِه مِ یِچِی دونُم؛ امّا زمونی ایایِه که کامل دونُم، هَموطو که خدا درموردِ مِ همَه چی نَه کامل دونِه.
13وِ ایسو، ای سه چی وَجا ایوِیسِه: ایمون، اِمید وِ محبت. امّا وَ هَمَه گَوتَر محبَتِه.
Currently Selected:
نامۀ اَوَل وَ کِلیسِی قُرَنتُس 13: SLB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company