Popular Bible Verses from نامۀ اَوَل وَ کِلیسِی قُرَنتُس 15

Share

پَ، کَکایَلِ عزیزُم، پایدار بِیت وِ پاوَرجا وِیسیت، هَمیشَه تا ایتَریت سی خداوند کار کِنیت، سی‌یِکِه دونیت زحمتِ ایشا مِنِه خداوند بی‌فِیدَه نی.

امّا شکرِ خدا که وَ واسطۀ خداوندِمون عیسی مسیح وَ ایما پیروزی اییِه.

گول مَخَریت: «رفیقِ بَد، اخلاقِ خوبَه خراب ایکِنِه.»

امّا وَ فیضِ خدایَه هِسُم اوچیئی که هِسُم، وِ فیضِش وَ مِ بی‌فِیدَه نَبییِه. واریش، مِ وَ تَمومِ اونگَل سخت‌تَر کار کِردُم، هَرچَن مِ نَبییُم، بلکم فیضِ خدا بِی که مِنُم کار ایکِه.

«ای مَزار، پیروزیِ تِ کوچِنِه؟ ای مرگ، نیشِ تِ کوچِنِه؟» نیشِ مرگ گِنایَه، وِ قویَتِ گِنا شریعتِه.

گوش بِئیت! سِرّی نَه وَتون ایگُم: ایما هَمَه نیمیریم، بلکم هَمَه عوض ایابِیم. مِنِه یِه آن وِ مِنِه یِه تییَه وَ یَک زَیَن، اوسِه که شیپورِ آخِر صیاش دَرا. سی‌یِکِه شیپور وَ صیا ایدَرا وِ مُردِه‌یَل بی‌یِکِه وَ بِین بِرَن زِندَه ایابون، وِ ایما عوض ایابِیم.

سی‌یِکِه هَموطو که مرگ وَ طریقِ یِه انسان اومَه، زندَه وابی‌یَنِ مُردِه‌یَل هَم وَ طریقِ یِه انسان اومَیِه. سی‌یِکِه هَموطو که مِنِه آدم هَمَه ایمیرِن، مِنِه مسیح هَم هَمَه زندَه ایابون.

سی‌یِکِه ای بَیَنِ وَ بِین‌رَتَنی بایِس بیَنِ وَبِین‌نَرَتَنی نَه وَرِش کِنِه، وِ ای بَیَنِ فانی بایِس بیَنِ ابدی نَه وَرِش کِنِه.

سی‌یِکِه وِّ بایِس تا زمونی که پا بِنِه وَ ری تَمومِ دشمَنَلِش، سلطنت کِنِه. آخِرین دشمنی که نابود ایابو، مرگِه.