Popular Bible Verses from نامَه وَ کِلیسِی روم 5

Share

امّا خدا محبتِ خِشَه وَ ایما ایطو نِشون دا، که وختی ایما هَنی گِناکار بیئیم، مسیح سی ایما مُرد.

وِ امید ایما نَه خجالَت زَیَه نیکِنِه، سی‌یِکِه محبتِ خدا وَ وسیلۀ روح‌القدس که وَ ایما عطا وابی، رِتَه وابی‌یِه مِنِه دِلِمون.

نَه تِنا یو، بلکم مِنِه عذابَل هَم شایی ایکِنیم، سی‌یِکِه دونیم که عذابَل طاقَت وَ بار ایارِه وِ طاقَت، شخصیت وَ بار ایارِه، وِ شخصیت امید وَ بار ایارِه؛

پَ سی‌یِکِه وَ رَه ایمون صالح وَ حساب اومِیمِه، وَ واسطۀ خداوَندِمون عیسی مسیح بِی خدا مِنِه صُلحیم. ایما وَ وسیلۀ وُّ، وُ وَ رَه ایمون، وَ ای فیضی که ایسِه مِنِشیم، دَس جُسیمِه، وُ مِنِه اِمیدِ جلالِ خدا شایی ایکِنیم.

سی‌یِکِه موقِی که ایما هَنی دَرمُندَه بیئیم، مسیح مِنِه وَختِ دِرِسِش جونِشَه دا سی بی‌دینَل.

پَ، ایسِه که ایما وَ خاطرِ خینِ وُّ صالح وَ حساب اومِیمِه، چِقَه بیشتَر وَ واسطۀ وُّ وَ غضبِ خدا نجات ایجوریم.

سی‌یِکِه هَموطو که وَ واسطۀ نافِرمونیِ یِه آیَم، خیلی‌یَل گِناکار وابی‌یِن، وَ واسطۀ اطاعتِ یِه آیَم هَم خیلی‌یَل صالح ایابون.

نَه تِنا یو، بلکم ایما که وَ واسطۀ خداوَندِمون عیسی مسیح، صلحِ بِی خدا نَصیبِمون وابی‌یِه، مِنِه خدا هَم شایی ایکِنیم.