Popular Bible Verses from انجیلِ لوقا 12

Share

پس شَما آماده ببا، چون انسان زا، ساعتی آ که شَما چُو انتظاره ندارا.»

بَلکَم شَما خدا پاتشاهی پَش ببا، که همَّه ی اَمِه شَماهون آدایه بی.

پس مَردمِش بوات: «ویراجون ببا و هَر جور حرص و طمعَ دَ دور ببا، چون انسانه زندگی چُو ثروت پِر بییَنه خونین نی.»

چون شَما گنج هر یقا بیبی، شَما دلَ نی بِر اِسِه.

شَما دلَ که تونه نگرانییَم ای ساعت اِشتن عمر ایضافه بِکَره؟

اُخُری عیسی اِشتن شاگردونش بوا: «بس شَمارا وام شَما زندگی خونین نگران مَبا که چِه بخَرا، نگران مبا چِه دِکَرا.

حتی شَما سَره مویم همَه شون اَشمارده. پس مَترسا، چون شَما ارزش هزارون کیجِک دَ ویشتره.

«ای ولِگِ رَمَه مترس چون شَما پِه خوشی، اَمِ که پاتشاهی شَما بیدی.

کلاغون دِدِسا: نه کارِنده و نه دِرِنِنده نه اَنبار دارنده و نه یقایی دارنده که اَجون ذخیره بکرنده؛ هنی خدا اَجون روزی دی. و شَما چَنده پرنده هونَ دَ با ارزش تَریا!

پس چِمه پَش مَبا که چه بُخَرا یا چه آخرا؛ چِمون نگران مبا.

پس اگم خدا علَفون که هارو بیابانَ دَ اَبَرآینده و صبا تَند دَ سوجسَه بینده هِمنه پوشونِه، چنده ویشتر شَماهون پوشونه ای کم ایمانون!

هیچ مخفیونه چی ای نی که آشکار مَبی و هیچ پوشونِسَه چی نی که معلوم مَبی.