Popular Bible Verses from انجیلِ لوقا 6

Share

آدیا تا شَماهون آدینده. پیمانه‌ای مَشت، فشردَه، تکون دایه و لبریز شَما دامَنَ دَ اَیکَرده بی چون هر پیمانه ای که آدیا، هَه پیمانییَم شَما آگاردوننده.»

چاکَ آدم اِشتن دِل چاکَ صندوقِ، چاکی به بار آیره و بد آدم اِشتن دِلِه بد صندوق، بدی به بار آیره. چون زون اَ چیّونی وا که دل اجون وا.

امّا شَما، شَما دشمنونییَم محبت بکرا و خوبی بکرا، بدون هیچ گوشه داری ای، قرض آدیا، چون شَما پاداش پِر بی، و خدای متعاله خوردِخَیل با، چون خدا نی ناشُکرون و بَدکارونییَم مهربان اسّه.

بخشنده ببا، همنه که شَما پِه بخشنده اسّه.

«قضاوت مَکَرا تا قضاوت مَبا. محکوم مَکَرا تا محکوم مَبا. ببخشا تا شَمانی بخشسه ببا.

«امّا شَما را که چِمن لاوَعه اَشنَوا وام: شَما دشمنونییم محبت بِکرا کسونیییَم که شَما کودَ بیزارنده، خوبی بِکرا. کسونی را که شَماهون لعنت کَرنده و شَماهون اذیت کرنده خَیرَ دعا بکرا.

مردمییَم همنه رفتار بِکرا که گَوا شَما خمنا رفتار بِکَرنده.

وختی کسی اِشته دیمِه سیلی زَنه، اِشته دیمِه اَ طرف نی چو طرف آگاردون. وختی ای نفر اِشته اَبا ایگیره، اِشته شَوی نی اَجو آده. اگم کسی ای چی اِشتَ کودَ بگوس، اَجو آده، و اگم اِشته مالش اِشتَ کودَ ایگَتش دِ چو کودَ ایمَگی.

«هرگز سالمَ داره، بَدَ میوه، یا بَدَ داره، چاکه میوه نایره.

هر داری چو میوَه دَ آزوننده. خارَ بوته دَ انجیر نیچیننده، و تمشک بِوته د انگور نیچیننده.