Popular Bible Verses from မးသဲ 7

Share

“​တၤ​ပီၢ်, ကၱာ်​တဲၤ​က​အံာ်​ကီ​သံ. ဝၢ်​လှဲး​ပီၢ်, ကၱာ်​သံ​က​ပး ထၱး​ကီ. တ​ကျီး​ပီၢ်, ကၱာ်​တဲၤ​က​ဘါ​ထာ်​နံၤ​ကီ​သံ.

မၤ​နဲၢ်, ပၠၤ​အ​တၤ​တဲၤ​ကိ​အ​ပွဲၤ​နံၤ​ဘဲာ်​တ​ပွဲး, ကၱာ်​အ​ဝၢ် လှဲး​တ​ပွဲၤ က​ပး​ထၱး​တ​ပွဲး, ကၱာ် အ​တ​ကျီး​တ​ပွဲၤ နဳၤ, တဲၤ​က​ဘါ​ထာ်​နံၤ​ကီ​စဲာ်.

“​မဲၤ​က​နဳၤ​ဒဳၣ်, ပၠၤ​အ​ဆီး​ခ့​န့း​ယ​တဲၤ ယၱၢ်​ဘဲာ်​အ​ယဳၤ တ​စီာ်​ကၱာ် အ​မဲၤ​ကိာ်​အ​ကါ ကိ​အ​ဗွဲၤ​နဳၤ, စ​က​မၱာ်​ကီ​အ​စာ်​ဘိ​ပၠၤ​အ​ပျၱၢ်​အ​ပျၤ​ထဲၢ်​အ​ပြး​ထာ်​ကဲၤ​အ​ၡံၣ်​ဆီး​အ​ခဳး​တ​ပွဲၤ​နဳၤ.

“​မဲၤ​က​နဳၤ​ဒဳၣ်, တဲၤ​အ​ရါ​ထဲၢ် သံ​သး​အဲး​နံၤ ပၠၤ​က​မဲၤ​နံၤ သံ​နဳၤ, မဲၤ​ပီၢ်​ပၠၤ​ပၠၤ. မၤ​နဲၢ်, အ​ယဳၤ မၱာ်​တဲၤ​တဲၤ​မှဲး​လၤ​ကၱာ်​ဝံ​တ​စီာ် အ​တဲၤ​သိၣ်​တဲၤ​သီ အ​ကျဳၤ​ပူၤ​လီၤ.

ခီး​ဒ့​တၤ​အ​ဓဳၤ​နံၢ် တဲၤ​အီၣ်​အ​ကျဲ​တ​ပူၤ​မၱာ်​အ​အၱး နှဲး​ဖဳး​ကၱာ်​အ​ပၤ, ကၱာ်​ဒီ​အ​လ့ၤ​နံၢ်​ကိာ်​မၱာ် အီၣ်​တ​ကၱာ်​ဖဳး​လီၤ.

“​လ့ၤ​နံၢ်​ပီၢ်​ခီး​ဒ့​တၤ​အ​အၱး​နှဲ​ဖဳး​အ​ပူၤ. မၤ​နဲၢ်​က​ဒီၣ်​ဓဳၤ​ဒဳၣ်, ခီ​ဒ့​တၤ​အ​ခီ​ကၱာ်​ကျဲး​အ​ဓဳၤ အ​ခီ​မၱာ်​အ​ဓဳၤ​နံၢ်​ဒဳ​တဲၤ​ကဲ​တဲၤ​အိး​အ​ကျဲ​နဳၤ, ကၱာ် ပၠၤ​အ​လ့ၤ​နံၢ်​အ​ပူၤ​အီၣ်​အဲး​အီး​အီး​ဒဳး.

မဲၤ​က​နဳၤ​သံ​နဳၤ, သံ​မၱာ်​နီၣ်​သီ​အ​ကၱ ကဲာ်​ဖဳး​နှီ​နူၤ, သံ​သၱာ် ဟဲ​တ​ပွဲး အ​က​အံာ် အ​ဖဳး​အ​လံၤ​တဲၤ​အ​အဲး​တ​စီာ်​နဳၤ​ဒဳၣ်, သံ​ပာ်​အ​အီၣ်​ဒဳ​မီၢ်​ခဳး တ​ပွဲၤ​က​အံာ်​ဒဳၣ်​ချဳ​ကီ ပၠၤ​အ​တၤ​စဲာ်​တ​စီာ်​တဲၤ​အဲး​ပွ့​တ​မံၤ​ပ့ၤ.

“​စံး​ရး​မဲး, စာ်​ဘိ​ထဲၢ်​သံ​တ​ဘဲာ်​စံး​ရး​ပီၢ်​နီး​နဳၤ. မၤ နဲၢ်​က​ဒီၣ်​ဓဳၤ​ဒဳၣ်, အ​စာ်​ဘိ သံ​စံး​ရး​စာ်​တဲၢ်​နဳၤ, သံ​က​ဘဲာ် စံး​ရး​ကီ​က​နဳၤ, ကၱာ်​ဒီ အ​စာ်​ဘိ​သံ​ကိၤ​သံ​ထဲ​တဲၤ​အ​ဓ့​နဳၤ, သံ​က​ကိၤ​စာ်​ထဲ​စာ်​ဘဲာ်​ကီ.

“​ကၱာ်​ဒီ​ပၠၤ​အ​ဆီး​ခ့​န့း ယ​တဲၤ​ယၱၢ်​ဘဲာ် အ​ယဳၤ​တ​စီာ်, ပ​ရၤ ဆါ​အ​တ​မဲၤ​ကိာ်​အ​ကါ​နီး ကိ​အ​ပွဲၤ​နဳၤ, စ​က​မၱာ်​ကီ​အ​စာ်​ဘိ​ပၠၤ​က​ဓူၤ ထဲၢ် အ​ပြး​ထာ်​ကဲၤ​အ​ၡံၣ် လဳၤ​သံ​မံး​ခဳး​တ​ပွဲၤ​နဳၤ.

န​စာ်​ထၱး​မၤ တဲၤ​က​နိး​အ​အီၣ်​န​သဲ​ပူၤ​ဝ့ၤ​အ​ကၢ်​ဓူ​ပူၤ​ကၱာ် န​တ​စာ် ထၱး မၤ​ဇ့ၤ​ကျ့ၤ​အ​အီၣ်​ကဲး​ကး​န​ကၢ်​ဓူ ပူၤ​တ​ဘီ နီး​နဲၢ်. ‘​အံာ်​ပီၢ်​ယ​ခွဲး ထာ်​တဲၤ​က​နိး​အီၣ်​န​ကၢ်​ဓူ​ပူၤ,’ န​ဒီၣ်​ဇၤ​မၤ​န​သဲ​ပူၤ​ဝ့ၤ​ဒဳၣ်​နဲၢ်. စာ်​ပီၢ်, ဇ့ၤ ကျ့ၤ​အီၣ်​သဲ​န​ကၢ်​ဓူ​ပူၤ​နၱၢ်.

“​ဆီး​အံာ်​ပီၢ်​သံ​န့ၤ​ကၱာ်​ဝံ​အ​ပျဲာ်​က​အီၣ် ထာ်​ထဲၢ်​အ​လ့ၤ​ထၱး သံ, အ​ကိ​အ​သီး​သဳ​ဖ့း, ပ​ရၤ​ဆါ​ဒဳ​အ​သး​ပူၤ​မၱာ်​ထွံၣ်​မံၤ​က​ယၤ​ဘိာ် အ​အါ ဝူၢ်​အါ​သ​ဖျဲး​တဲၤ​တ​စီာ်​နဳၤ. သံ​က​သၱာ် ဟဲ ကီ​စဲာ်​တ​စီာ်​ကၱာ် စ​ဖီ စ​သဲာ်. ပၠၤ​ဒ့း​ပီၢ်​သဳာ်​ပ​ၡံး သဲာ်​ဒဳ​တၤ​ဆူး​အ​မူၤ​လီၤ​နဳၤ​ဧါ, မၱ​တ​မၱာ်​နီး, သဳာ် ဓဳၤ ထံ​သဲာ် ဒဳ​တၤ​ဆူး​အ​မူၤ​လီၤ​နဳၤ​ဧါ.

စာ်​ဘိ​က​နဳၤ​အ​ခီ, သဳာ် အ​ဝၱၤ​ကိ​အ​ဘီ သဲာ်​ထာ် အံာ် သဳာ်​သဲာ်​အ​ဝၱၤ, ကၱာ်​သဳာ်​အ​တ​ဝၱၤ​နီး သဲာ် ထာ်​အံာ် သဳာ်​သဲာ်​အ​တ​ဝၱၤ​နီး.

သဳာ် အ​ဝၱၤ​တ​သဲာ်​ထာ်​အံာ်​ဇၤ တဲၤ​သဲာ်​အ​တ​ဝၱၤ​နီး​နီး, ကၱာ်​ဒီ​သဳာ်​အ​တ​ဝၱၤ​နီး တ​သဲာ်​ထာ်​အံၤ​ဇၤ သဳာ်​သဲာ် အ​ဝၱၤ​နီး​နီး.

သဳာ်​ကိ​အ​မူၤ, ထဲၢ်​တ​သဲာ်​ထာ်​အံၤ​တဲၤ​သဲာ် အ​ဝၱၤ နီး​နဳၤ, က​ဘဲာ် ကိၢ်​ကဲ, ကၱာ်​က​ဘဲာ်​ဝှ့​နံၢ်​ကီ​မှၱး​အ​ကျဲ.