Popular Bible Verses from لوقا 14

Share

اللي بيجي لعندي وبحبنيش أكتـر من أبو وإمو وولاده وقرايبه وحتى نفسه بقدرش يكون تلميذي.

واللي بِحملش صليبو وبمشي وراي بقدرش يكون تلميذي.

لأنُو كل واحد بكبّـر بقيمة حاله رَح تصغر قيمته واللي بتواضع رَح يكرموه.

وبنفس المفهوم كل واحد منكو بتخلاش عن كل ممتلكاتُه بقدرش يكون تلميذي.

وإذا في حدا منكو بدو يبنـي برج مش لازم بالأول يقعد يحسب التكلفة ويتأكد إنو معه مصاري كفاي؟ فبلاش يحط الأساس وبعدين ميقدرش يكمّل. سيعتها بِبدو كل اللي براقبوه يستخفو فيه. ويقولوا: هادا الزلمة بدي يبني بس مقدرش يكمّل.

على العزيمة تبعتك اعزم الفقرا واللي عندهن إعاقة والعُرج والعميان. ونيالك لما بتتصرف هيك لأنهن بقدروش يردوا العزيمة. فبتكون مكافئتك مع الأبرار يوم القيامة.

الملح منيح. بس إذا الملح فقد طعمو بإيش الواحد بدّو يملّح؟ بنفعش لا للتربة ولا للسماد وراح نرميه بره. افهموا منيح شو عم بتسمعو.