Popular Bible Verses from یوحَنّا 12

Share

اگه کسی میخایه مَره خِدمت کنه، اُو باید ازمه پَیرَوی کُنه و دَ جای که ما بَشُم، خِدمتگار مه ام دَ امُونجی اَسته. هر کسی که مَره خِدمت کُنه، آتِه آسمانی اُو ره عِزَت-و-حُرمَت مِیدیه.

کسی که جان خُو ره دوست دَره اُو ره از دِست مِیدیه و کسی که دَ اِی دُنیا از جان خُو تیر اَسته،اُو جان خُو ره بَلدِه زِندگی اَبَدی نِگاه مُونه.

ما حقِیقت ره دَز شُمو مُوگُم: تاکه دانِه گندُم دَ زمی اُفتَده گور نَشُنه و نَمُره، اُو تنهای خُو مُومنه. لیکِن اگه بُمُره، حاصِلِ کَلو مِیدیه.

ما مِثلِ یگ نُور دَ دُنیا اَمَدیم تا هر کسی که دَز مه ایمان بیره دَ ترِیکی نَمَنه.

اگه کسی تورای مَره بِشنَوه و دَزشی عمل نَکُنه، ما دَ بَلِه ازُو قضاوَت نَمُونُم، چراکه ما نَمَدیم تا دُنیا ره قضاوَت کنُم، بَلکِه اَمَدیم تا دُنیا ره نِجات بِدُم.

اوخته مریَم یگ بوتل عَطرِ قِیمَتبای سُنبُلِ خالِص ره گِرِفته دَ پایای عیسیٰ مَلِید و پایای شی ره قد مُوی خُو پاک کد و تمامِ خانه از بُوی عَطر پُر شُد.

اُونا شاخه های دِرختِ خُرما ره گِرِفته از شار بُرو دَ سرِ راهِ شی رفت و شُعار دَده مُوگُفت: ”هوشیعانا!مُبارک اَسته کسی که دَ نامِ خُداوند مییه؛ مُبارک اَسته پادشاهِ اِسرائیل.“

ولے عیسیٰ دَ جواب ازوا گُفت: ”ساعت شی اَمَده که «باچِه اِنسان» بُزُرگی-و-جلال پَیدا کُنه.