Popular Bible Verses from یوحَنّا 6

Share

عیسیٰ دَزوا گُفت: ”ما نانِ زِندگی اَستُم؛ هر کسی که دَ دِیرِ ازمه بییه هرگِز گُشنه نَمُوشه و هر کسی که دَز مه ایمان بیره هرگِز تُشنه نَمُوشه.

روح اَسته که زِندگی مِیدیه، جِسم کُدَم فایده نَدره. تورای که ما قد شُمو گُفتیم روح و زِندگی یَه.

بَلدِه خوراکی که از بَین موره زَحمت نَکشِید، بَلکِه بَلدِه خوراکی زَحمت بِکشِید که تا زِندگی اَبَدی باقی مُومنه، و امُو زِندگی اَبَدی ره «باچِه اِنسان» دَز شُمو مُوبَخشه؛ چُون آتِه مو خُدا، مُهرِ تأیید خُو ره دَ بَلِه ازُو زَده.“

چُون اِرادِه آتِه مه امی اَسته که هر کسی که سُونِ باچه توخ کنه و دَزشی ایمان بیره، اُو صاحِبِ زِندگی اَبَدی شُنه، و ما اُو ره دَ روزِ آخِرَت زِنده مُونُم.“

عیسیٰ دَ جوابِ ازوا گُفت: ”کار و رضای خُدا اینی اَسته که شُمو دَمزُو کس که خُدا رَیی کده، ایمان بیرِید.“

کسای ره که آتِه آسمانی دَز مه مِیدیه، اُونا طرفِ ازمه مییه و کسای که طرفِ ازمه مییه، ما هرگِز اُونا ره رَد نَمُونُم.

شِمعون پِترُس دَ جواب شی گُفت: ”یا مَولا، مو پیشِ کِی بوری؟ تنها تُو توره های زِندگی اَبَدی دَری،

ما امُو نانِ زِنده اَستُم که از عالمِ باله نازِل شُد؛ هر کسی که ازی نان بُخوره همیشه زِنده مُومنه و نانی ره که ما بَلدِه زِندگی مردُمِ دُنیا مِیدُم، جِسم مه اَسته.“

هیچ کس دَ دِیرِ ازمه اَمَده نَمِیتنه، سِوای که آتِه آسمانی که مَره رَیی کده، اُو ره سُون مه کش کنه و ما اُو ره دَ روزِ آخِرَت زِنده مُونُم.

چُون نانِ خُدا امی اَسته که از عالمِ باله نازِل مُوشه و دَ دُنیا زِندگی مِیدیه.“

ما نانِ زِندگی اَستُم.

پس عیسیٰ امُو نان ها ره گِرِفته شُکرگُزاری کد و بَلدِه مردُمی که شِشتُد، هر قدرِ که اُونا خاست بَخش کد. و ماهی ره ام امُو رقم کد. وختِیکه اُونا سیر شُد، اُو دَ یارای خُو گُفت: ”ٹوٹه-و-پَرچِه باقی‌مَنده ره جَم کُنِید تاکه هیچ چِیز ضایع نَشُنه.“

وختی یارا تقرِیباً یگ ساعتدَ کِشتی پیش رفتُد، اُونا عیسیٰ ره هُوش کد که دَ بَلِه آو راه موره و طرفِ کِشتی نزدِیک مُوشه و اُونا ترس خورد. مگم اُو دَزوا گُفت: ”ما اَستُم، نَترسِید.“