Popular Bible Verses from ଲୁକ 13

Share

“ପେ ଜିବନ୍‌ଗିରେ ବେଡ'ସେକ୍‌ କୁତବ୍‌ବାଇ' ଡାନ୍‌ଡର୍‌କୁରୁଂ ମାପ୍‌ରୁନା ରାଜିବକ୍‌ ଗୁଗାଇପୁଲେଇ ବଲ୍‌ ସେସ୍‌ଟା ଡେମ୍‌ । ଅବୁଦି ରେମଲେ ଆତା ଗାଇତୁନେଇ ଡ'ସେକ୍‌ ସେସ୍‌ଟା ଡେମ୍‌ତ ମାତର୍‌ ମା'ଏ ଆଗଂତା ଡ'ସେକ୍‌ ନିଂ ଆପେ ସୁନ'ତିଂ ।

ଆତା ଆମୁଇନ୍‌ଡା ସେଲାନ୍‌ଲା ବୁତ୍‌ ସବ'ସା' ସୁରୁଇ' ତୁନ୍‌ତ ବାସ୍‌ ଆଗଂତା ଡେଂକୁସା' ମାଇ କୁବ୍‌ଡିବାଇ'ଉ ଡୁକୁ । ଆମାଇ ଡି'କେନ୍‌ ଡେଂସେକ୍‌ ଅଟ୍‌ରବରସ୍‌ ଡେଂକୁ । ସା' ଜିସୁଲା ଆମାଇ ଜୁଲ'ସେକ୍‌ ମାଇନା ଉନ୍‌ତୁ' ୱାୟ'ସେକ୍‌ “ଅ କୁଇ' ନନା ସି ଗୁଲାଇ ବଲ୍‌ ଡେଂଗା'” ଡ'ସେକ୍‌ ସୁନ' ।

ଡୁ'ତୁନ୍‌ ସୁନ'ସେକ୍‌ ଜିସୁଲା ମାଇନା ତିତି ଗୁତୁନ୍‌ ସେଲାନ୍‌ନା ବାଗ୍‌ବକ୍‌ ବୁଂଅଁ'ସା' ଗୁତୁନ୍‌ ସେଲାନ୍‌ଲା ଆଇ'କୁ ସୁରୁଇ' ତୁନ୍‌ତ ଗଂଗା' ମାରି ମାଇ ଆମାପ୍‌ରୁ ସୁନ୍‌ଡ୍‌ରଗା' ।

ଜୁ, ସତଇସା ଜାଜା ତିର୍‌ଗିକ୍‌ସେକ୍‌ ଡୁତା ମା'ଏ ସିଁସେଇଁତା, ମାରି ଜାଜା ସିଁସେଇଁସେକ୍‌ ଡୁତା ମା'ଏ ତିର୍‌ଗି'ତା ।”

ଡିଂଅଁ ସାକାରା ମାଇନା ଡିଂଅଁନା ପାଟା ଅନ୍‌ତୁଡ'ବେଡ'ନା ତିର୍‌ଗି' ପେ ବାଇରି ତଂସେ'ଗା ‘ଅ ଗୁରୁ, ରୁକ୍‌ବେ’ ଡ'ସେକ୍‌ ଆଡାନ୍‌ଡର୍‌ ଡୁଡବ'ନା ମାଇ ଡିଂଅଁ ବିତ୍‌ରେକୁରୁଂ ‘ପେ ଜା, ଇମ୍‌ବ'କୁରୁଂ ସା'ଗୁତୁପେ, ନିଂ ଆପେ ଆମାକ୍‌ତିଂ’ ଡ'ସେକ୍‌ ସୁନ୍‌ତ ।

ଆରାକ୍‌, ଆରାକ୍‌! ପେ ପାପ୍‌କାମ୍‌ ଡେମ'କୁନୁଂ ଗୁଲାଇ ତର୍‌ମୁଲୁଇ'ଉ ଅଡକ୍‌ସୁଂଅଁ'ସେକ୍‌ ମାପ୍‌ରୁନ୍‌ବକ୍‌ ଆଆନ୍‌ଡେଇଁତୁପେ ଡ'ନା ପେସା ଡୁ'ତୁନା ଗୁଇ'ଉଇତୁପେ ଡ'ସେକ୍‌ ନିଂ ଆପେ ସୁନ'ତିଂ” ଡ'ସେକ୍‌ ଜିସୁଲା ସୁନ' ।

ମାତର୍‌ ମାଇ ‘ନିଂ ଆପେ ସମଡ' ଆଡୁତିଂ ପେ ଜା'ଡେ, ଇମ୍‌ବ'କୁରୁଂ ସା'ଗୁତୁପେ ନିଂ ଆମାକ୍‌ତିଂ । ପେ ଅଲିରାକ୍‌ବାଇ'କାମ୍‌ ଡିନ୍‌ଡେମ୍‌ରେମ୍‌, ପେ ନିଂକୁରୁଂ ଡୁଂଆଁ’ ଡ'ସେକ୍‌ ଆପେ ସୁନ୍‌ତ ।

ଜିସୁଲା ଆମା'ଏ ସୁନ' “ମାପ୍‌ରୁନା ରାଜି ଡ'ନା ମିବାଇ' ଡୁତା? ମାବୁରଂ ଗୁତୁନ୍‌ ଅ'ସରିଲ'ସେକ୍‌ ନିଂ ସୁଁସୁ ଡୁତା? ମାପ୍‌ରୁନା ରାଜି ଡ'ନା ମୁଇନ୍‌ଡା ରେମ ମାଇନା ଡିନ୍‌ଜାବୁର୍‌ବକ୍‌ ଉନ'କୁନୁଂ ମୁଇ ଡାଉବାଇ' ସର୍‌ସୁ ମନ୍‌ଜିସୁଗ । ଗୁତୁନ୍‌ ମନ୍‌ଜି ତୁର୍‌ସେ'ଗା ବୁଡାଲା ମୁଇ ସୁଲପ୍‌ସୁଗ ମୁନା'ଗା' । ସା' ଆତା ପୁରି'ସୁରଇ'ଏ ସାକ୍‌ସେକ୍‌ ସୁଲବ୍‌ନା କେନ୍‌ଡାଲେବକ୍‌ ଇଁସାକ୍‌ପି' ଇଁନ୍‌ସାକ୍‌ଆର' ।”