Popular Bible Verses from ମାତିଉ 3

Share

ପେ ପାପ୍‌କାମ୍‌ ଅଲିରାକ୍‌କାମ୍‌ ଗୁଲାଇ ଅଡକ୍‌ସୁଂଅଁ'ସେ'ଗା ମାପ୍‌ରୁନ୍‌ବକ୍‌ ଆନ୍‌ଡେଇଁଗୁତୁପେ ଡ'ନା ପେ ନିଜେ ବଲ୍‌କାମ୍‌ ଡେମ'ସେକ୍‌ ଅସୁଇ'ଆର୍‌ ।

ମାରି “କେନା ନିଂ ଅବୁଦି ଲବ୍‌କୁନୁଂ ନିଂନା ଉଁ'ଉଁ, ଆମାଇ ଜୁଲ'ସେକ୍‌ ନିଂ ଅବୁଦି ସାର୍‌ଦା ଡେଂଗୁତିଂ” ଡ'ସେକ୍‌ କି'ତୁଂକୁରୁଂ ମାପ୍‌ରୁ ସୁନ'କୁନୁଂସା ଅଂଅଁ' ।

ଜିସୁଲା ବାପ୍‌ତିସ୍‌ମା ରିଂସେକ୍‌ ସେଟ୍‌ଟ' ଡାଗ୍‌କୁରୁଂ ତୁର୍‌ଗା' । ଆଇ'ତୁନ୍‌ବେଲା କି'ତୁଂ ରୁ'କୁନୁଂ ମାରି ମାପ୍‌ରୁନା ଜିବନ୍‌ ମୁଇ ପାରାସୁଗ ଜର୍‌ସେକ୍‌ ମାଇନ୍‌ ବାଗ୍‌ବକ୍‌ ଲିଲେଇ' ଡେଂକୁନୁଂ ମାଇ ଜୁଲ' ।

“ପେ ପାପ୍‌କାମ୍‌ ଅଡକ୍‌ସୁଂଅଁ'ସେକ୍‌ ମାପ୍‌ରୁନ୍‌ବକ୍‌ ଆନ୍‌ଡେଇଁଗୁତୁନେଇ ଡ'ସେକ୍‌ ଅସୁଇ'ପୁଲେଇ ନିଂ ଆପେ ଡାଗ୍‌ବୁରଂ ବାପ୍‌ତିସ୍‌ମା ବିବେ'ଡେନ୍‌ତିଂ । ମାତର୍‌ ମୁଇନ୍‌ଡା ନିଂକୁରୁଂ ଅବୁଦି ବପୁବାଇ' ଆନିଂ ତେଂଗି' ସୁସାପ୍‌ଡେନ୍‌ତା । ମାଇ ଅବୁଦି ମୁନା'ରେମ୍‌ସା' ନିଂ ମାଇନା ମୁଇନ୍‌ଡା ଗତିରେମ୍‌ସୁଗ ଡୁକୁକ୍‌ସେକ୍‌ସା ମାଇନା ପନ୍‌ଡଇଁ ରିଂ ବିବେ' ଆଗଂତିଂ । ମାଇ ଆପେ ପବିତ୍‌ର ଆତ୍‌ମାବୁରଂ ମାରି ସୁଂଅଁବୁରଂ ବାପ୍‌ତିସ୍‌ମା ବେ'ତ ।

ଜୁ, ମୁଇନ୍‌ଡା ଟାଂଗିୟା ସକ୍‌ସେକ୍‌ ଆସୁଲପ୍‌ନା ସୁନୁମ୍‌ବକ୍‌ ଆ'ନାଉ ସେପ୍‌ତିଂ ଡ'ସେକ୍‌ ଜାଗ୍‍ଲ'ତା; ଇମ୍‌ବ'ନ୍‌ ସୁଲପ୍‌ ବଲ୍‌ଟା ଆସୁ'ଉତା ଆତୁନ୍‌ ସୁଲପ୍‌ ଗୁଲାଇ ଗୁୟ'ସେକ୍‌ ବାଲ'ସୁଂତ ।”

ବାବବାଦି ଜିସାୟଲା ଜଅନ୍‌ନା ବିସୟ ଡି'କେନ୍‌ ସୁନ'କୁ, ମା ଡ' ସୁନ'କୁ ଡ'ନା: “ମୁଇନ୍‌ଡା ରେମ ଟାଂରାବାଟା ପାଦାବକ୍‌ ତଂସେକ୍‌ ଡକ୍‌ତି'ତା ସୁଁସୁଡେନ୍‌ । ମାଇ ମା ଡ' ସୁନ'ତା ଡ'ନା ‘ପ୍ରବୁ ସୁସାପ୍‌ପୁଲେଇ କୁରୁଂ ଅ'ରଇଁ, ମାଇପୁଲେଇ କୁରୁଂ ଅସୁସାଡ' ବୁଂ'’ ଡ'ସେକ୍‌ ଆରେମଲେ ସୁନ'ତା” ଡ'ସେକ୍‌ ସୁନ'କୁ ।