Popular Bible Verses from Johon 15

Share

"Inggiying ânggur lat ar apedo ḍhârkokanape. Judi jahegi Ing talare tahanako ar Ingdo âni talare tahaning tahale âniaʹ jiuiredo aima jo joʹa, judi ape Ing khoiʹ sâhingre tahenape tahale itâʹgi bang rikâ dareʹape.

Ingâʹ talare tahanpe ar Ingdo ape talare tahanhuʹ. Alka ânggur lat suliʹ ḍhâr miʹṭheʹketeʹ bang tahanlekheʹ ḍhârdo nije nije bang jo darena engkagi Ing saote bang tahenlekheʹ apeho bang jo darenape.

Judi ape Ing talare tahanape ar Ingâʹ kathako ape talare tahana, tahale apeyaʹ akaṭaʹ icchâ inâgi koiape, Ingdo ape laʹte inâgi rikihuʹ.

"Apete Ing bang bacho engekâdingape, kheʹ Ingte apedo bacho engeketeʹ kâmire lagokaʹpeing jate apeyaʹ jiuire jo joʹa ar apeyaʹ ana jo jate ṭiku tahana. Tahale Ingâʹ nutumte Babaṭheʹ akaṭaʹ koipehaʹ anagi Ânitedo ape mapeheʹ.

Jahe judi âiʹren gateko laʹte nijeyaʹ jiui maʹe tahale âni khoiʹ ḍher dulâr ar ekeyaʹgi bânuʹtakoa.

Ingâʹ akako ḍhârre bang joʹa anakodo Ânido getʹgirie, ar akako ḍhârre joʹa anakodo Âni chaṭoketeʹ sâfie jate anakodo arho ḍher joʹa.

Ingâʹ hukumdo niâkana, jate apete miʹhorte armiʹhor dulârkope, alka Ingtedo ape dulârkaʹpeing.

Judi apeyaʹ jiuiʹre aima jo joʹa ar nengkaketeʹ ape nije Ingren cela mente promanoʹape tahale Ingren Babaoaʹ gourob hoʹtaihaʹ.

"Inggiying asol ânggur latdo ar Ingren Babado mâlikane.

Judi jahegi Ing talare bang tahanako, tahale ḍhâr lakagi ânido baherre labdagiri hoʹa ar anado lohorngena. Âdmikodo ana ḍhârko jaoraketeʹ sengelnaʹ talare giṛiako ar anakodo jeretʹngena.

"Nako katha Ingte ape metakaʹpeing, jate Ingâʹ hub ape talare tahana ar apeyaʹ hub purnoʹa.

Ape judi Ingâʹ sanam hukum palonpe, tahale apeho Ingâʹ dulâr talare tahanpehaʹ Ingdo alka Ingren Babaoaʹ hukum palonkâding ar âniaʹ dulârre tahenkâning.

Niâ hukum Ingte ape mapekâning je, apedo miʹhorte armiʹhor dulârkope.

Ape judi niâ dhârtiniʹ hoʹapehoteʹ, tahale dhârtite ape nijeren laka dulârpeyehoteʹ. Apedo niâ dhârtiren bangkanape, kheʹ Ingte ape dhârtinaʹ tala khoiʹ bacho engekaʹpeing, niâ laʹte dhârtiren âdmite ape ghinâpeyako.