Popular Bible Verses from Johon 16

Share

"Ingte ape niâko sanam metakeʹpeing, jate ape Ingṭheʹ sântite tahanape. Dhârtire ape kosṭo nampehaʹ, kheʹ sâhuspe, Ing dhârti jitukâding."

Kheʹ âni sâriyiʹ atta jâkhni hijuʹheʹ ânite ape sanam sâriaʹ upodes mapeheʹ, âni nije khoiʹ katha bang menheʹ, kheʹ âni jagi atene anakogi menheʹ, ar jeko ghoṭoʹhaʹ anaho ânite ape baṛesopeheʹ.

Nitoʹ dhâbiʹ ape Ingâʹ nutumte itâʹgi bang koikadape. Koipe ape nampehaʹ jate apeyaʹ hub puruʹa.

Taoho Ingte ape sâriaʹ kathagi metapekâning je, Ingâʹ cagi ape laʹte manjaoa, karon Ing bang caʹlekheʹ âni goroiyiʹ apeṭheʹ bang hijuʹe. Kheʹ Ing judi caʹing tahale âni apeṭheʹ kolgiriyinghuʹ. "Âni hiʹketeʹ pap somporke, Issoraʹ icchâ laka caʹ somporke ar Issoraʹ bicâr somporke dhârtiren âdmiko cetʹonaʹ makoheʹ.

Engkaketeʹ apeho nitoʹ duk namdape, Kheʹ arho ape saote Ingâʹ napam hoʹhaʹ, ar tâkhni apeyaʹ mon hubte pereʹ rakaboʹhaʹ ar ana hub ekeho apeṭheʹ khoiʹ bang reʹenge dareʹako. Ana din apete Ing aka kathagi alo kulingape. Ingte ape sâriaʹgi metapekâning, ape Ingâʹ nutumte Babaṭheʹ jagi koipehaʹ anagi Ânite ape mapeheʹ.

Ingte ape sâriaʹgi metapekâning, ape ragpehaʹ ar aimagi duk nampehaʹ kheʹ dhârtiren âdmiko huboʹkohaʹ. Ape duk nampehaʹ, kheʹ tayomte apeyaʹ ana duk ar bang tahana, ana badalte ape huboʹpehaʹ.