Popular Bible Verses from Luk 6

Share

Danpe, anate apeho ma hoʹhaʹ, aima bisiketeʹ, ota otate, jhiku jhikute umṛu ujugoʹ lakaketeʹ apeyaʹ gochare ma hoʹhaʹ, karon alka apete songketeʹ makoape analakagi ape laʹte song hoʹhaʹ."

Manja âdmido aiaʹ ontor pereʹ manja khoiʹgi manja jinis oṛoʹketeʹ âgie, ar kharap âdmido aiaʹ ontor pereʹ kharap khoiʹgi kharap jinis oṛoʹ âgie. Âdmioaʹ ontor jeṭaʹte pereʹ tahana mocato ana kathagi mene.

"Kheʹ apetedo aperen dusmânko dulârkope ar angkoaʹ manja kâmi rikâpe. Ar itâʹgi âcur namaʹ asa bangketeʹ panca makoape. Tahale apelaʹte marang puroskar menaʹa, ar apedo sanam khoiʹ marangutâriʹ Issorren gidrâ hoʹpehaʹ, karon ânite okritoggo ar kharaponkhoiʹho mayaokoye.

Aperen Baba jemon mayaiʹkane apeho engkagi mayaiʹ hoʹpe.

"Eṭaʹonkhoiaʹ dos alo sabbereyape, anate apeyaʹhoʹ dos bang sab hoʹa. Eṭaʹonkhoiʹ sâsti namaʹ joggo mente alo monekoape, anate apeho sâsti namaʹ joggo mente oho moneʹape. Eṭaʹonkhoiʹ mapkope anate apeyaʹhoʹ map hoʹhaʹ.

"Kheʹ ape jeko atendape, Ingte ape metapekâning, apete aperen dusmânko dulârkope. Jekote ape ghrinâpeyako, angkoaʹ monggolpe. Jete ape sarapeyako, angko âsirbadkoape. Jeko ape suliʹ kharap bebohar rikiako, angko laʹte koijongpe.

Âdmiṭheʹ khoiʹ ape alka bebohar namlaʹ namape apeho angko suliʹ engkagi beboharape.

Ekete am miʹhatenaʹ johare dalmie ânido ar miṭiʹ johareho dalsoiam. Ekete amaʹ cadre iditame, ânido angaho engesoiam. Jahegi amṭheʹ koyako, angkodo makoam, jahete amaʹ jahanaʹ jinis iditamlekheʹ ana ar âcurketeʹ aloʹ koyam.

"Miṭiʹ manja darere kharap jo bang joʹa, arho kharap darereho manja jo bang joʹa.

Jo tigi dare cinhuʹa. Âdmido jânumjhâilâ khoiʹ loa ar jânum jhâilâ khoiʹ ânggur bang godako.