Popular Bible Verses from လုကာ 3

Share

ခရားအီခံဘာစွင်ထောင်ကုခိန်း ယောဟန်ဒီ့ မိုးဖီပလူးဖုန်းဟေတန် ငွုတ်သျှီ့မင်္ဂလာထွို့ ကိုယ်တော်ယေရှုဒွိုလဲ့ အိုခံချွော်ငွုတ်သျှီ့မင်္ဂလာထွို့ အိုဆုတောင်တာတွင် မုကန်အွယ့် တဘောင်ထန်ထွို့ ဉာဏ်ရောင်တော်အွယ့် လင်းလင်ကိုယ်တော်လောင် နောင်ထူကာဝူး။ ငိုဇျီး အိုမုကန်ကုအွယ့်လဲ့ “နားနုဲင့် ပျန့်တို ငါးကရက်ဟွမ့်ခိုဘာဒါ ငါးဖုခုတို။ ငါးဒွို ဟွမ့်နိတ်စက် ယွမ်တွို့နား” စင်ထန်နိန်းအွယ့်။

အွယ့်ကြားမဲ့ ယောဟန်အွယ့် “ငါးဒွို ဖီပလူးဖုန်း ငွုတ်သျှီ့မင်္ဂလာနောင်သျှီ့ဒွို အိုမှန်တို။ ဒေါင့်မာလဲ့ ပလူးစွိုင်းမြတ် လွို့ထိုင်ငါးစာအပလား တွိုလေးလိထွို့။ ငါးဒွို အီချီ့ဖီ အာခင်ဖာပီးငါလဲ့ လီထွိုက်တန်ဟ။ အာဒီ့ နောင်ဉာဏ်ရောင်တော်ခယောဝ်း နောင်မီခယောဝ်း အီမိုးဖီနားက့ ငွုတ်သျှီ့မင်္ဂလာ။

အွယ့်ကြားမဲ့ နေ့လိုကာဆက်ဆေ ကဒေါင့်ဒါ လ့လိထွို့ နောင်တသံဝေဂ နားက့အပျက်စရိုက်လီခိုဟဖုန်း နောင်တမိုးလုဲင်။ နားက့နန်နောင်နန် ကျန်ဒေါင့်ကာမာ ပျန့်အာဗြဟံမျိုဆွက် နိန်းအွယ့်မာ။ ကွက်တဟနာမေဒေါင့်ဘာအွယ့် ဗွယ်ဖရာဒွို ဖန်ဆင်ဒါ လုံဒွိုးဟို ဖီကပျန့်အာဗြဟံမျိုဆွက်။

ဒွိုးခါ့ကု ဗွယ်ဖရာဒွို ရျန်းစေးကန်းလိအထွို့ အီဖီဒူယွမ်တွို့ အပျက်ဒဏ် ပလူးလီလ့ဟ နောင်တသံဝေဂစာဖုန်းကားကအိုတာ။ အွယ့်ကြားမဲ့ လီလ့လိုကာဟ နောင်တသံဝေဂထွို့ ပလူးလီမိုးလိုကာဟ တခိုစာဖုန်းဒွို အီခံဘာ ဗွယ်ဖရာအန်ဒင်အပျက်ထွို့ အီခံဘာ ဖီဝိန့်စို့မီးကု” ဒေါင့်နိန်းအွယ့်။

အရိယာဆူတော်ကောင် ဟေရှာယကျမ်ကု ဟိုတျန်ကီစေးကန်းဒါ ယောဟန်အကြောင်ခရာဒီ့ “ပလားအပလားဒွို အီစလေက့တာ နွိုင့်ကန္တာရကုဒီ့ ‘ပျင်လိုကာ ဗွယ်ကအီကြွာ့လေးစို့ဒါ ကလေ့လုဲင်။ မိုးတွို့ဖီလိုကာ အာကလေ့လုဲင်။ ဖို့ဟန် တအုန်ခေါင့်ခါ ကျွမ်တောင်တောင်ကုထွို့ မိုးညီဒွမ့်ကာခေါင့်ဖုန်း၊ တရွဲဖုန်း ကျွမ်တောင်တောင်လုဲင်။ မိုးတွို့ကာ ကလေ့ကိုင်ဖုန်းထွို့ ကလေ့ကြမ်ဖုန်းလဲ့ မိုးချော်မိုးခိုလိုကာလုဲင်။ ထွို့မဲ့ ပလူးကားကအိုဒွို အီသျှီကာဘာ ဗွယ်ဖရာ ကအန်ကြွ့လေးဒါ ဗွယ်ကယ်ဆယ်’” နိန်းအွယ့်ဟနေ။