Popular Bible Verses from Apastil Nani Sturka 14

Share

—Upliki nani, ¿dîa kan man nani naku dauki banhwisma ki? Yang nani na sin man nani wal baku upla sna. Sakuna nâra yang nani balri na, man nani ra sturi yamni ba mai smalkaia, naha diara bahki nani na swi si Gâd rayakira ba nina blîkma, witinka mita kasbrika pura, tasba, kabu nani ra dîa dîa baha nani bilara ba sut paskan bamna.

Bara naha waitna lika Pal dîa aisi kan ba kat aman pali wali kan. Bara Pal waitnika ba kat tawi kaikan ba ra, ai dara walan nahki naha waitna kasak luki kan witin ba rawbia. Bara ai bîla baikra karna wini, win: —¡Man minam ra wapni bus! Bara waitnika kata ba pâli tit bûi, mahka wapan.

Bamna serts nani bani ra tâ uplika nani mangkan. Baha ningkara, Gâd ra luki plun piras kira ai pura suni, baha ba Dawan mihta ra mangkan, witin nani sut witinka ra kasak luki kan ba.