Popular Bible Verses from Iphisi 5

Share

Äi koong, nangnih Hnadaga käh khetsu chaw chuhnu nini thänei saw khaw känäng, nangnih Ani huih nini poh eiyeih saw tawn khäh. Krito la nangkei a khrawng khetnawk saw huih nangnih ekhet lawm äng mäi khäl. Ani la nangkei koong Hnadaga khäka otih hlu huih upuma hluei.

Nang nämäichoh saw khrang äng sidih äng mäi. Mäktih huih mäichoh ah pak ngen mawh huih mäi. Awpawi nopoh aih saw ikhin nübünei khaw äi sumei, iyaäm tukatäng che luhchaw la ese dä ini bisaw.

Alak äng moiyei ti, äi äng nakrak nawk khäh. Äichaw a Asanh chang Khraw äng luih tila mäi. Nangnih Sam awi, phiyaw awi awlaw rosi saw awi awichula hngala hngat kräuvei khäl. Nangnih lung äng Boi koong ni awi khäl awi khäl. Sawkbrat ni üküt krong äng nangkei käh Boi Yĕsu Krito ming äng Paw Hnadaga a äkiyä tawngei.

Äi koong nangnih mäkai chu. Äini Boi la i anang biyeih sawk khiyang äm, äi yawchu bäichu.

Pawtaw khälo, Krito la yumtih sawnga khetnawk saw huih, awlaw äi koong awsawk pekei saw huih nangnih ha nini phiya a khetnaw bäichu.

Iyaäm nangnih ayang äng uhiyung äng nini mäi hüt, äini Boi käh khrawng nini thänei saw khaw känäng awa äng nini mäi. Äihi nangnih awa äng käh khrawng huih nini mäichoh aih saw tawn.

Krito a hmawi nini peksaw koong hngala hngat kheu äng nävei chula mäichoh khäl.

Pawtaw mawh khälo, Boi kheu nini ngei saw huih nangnih nini pawtaw kheu ha ngei khäl.

Ni kheu khäl nangnih koong ha hawu hmuei saw. Nangnih pawtaw khälla nini phiya a nupum kantha huih khetnaw bäichu, awlaw phiya khälla ha ini pawtaw a hmawi ini pekaih saw tawn.

Kiyam äng yoei, “Äi koong pawtaw la ini nupaw a hlät ula ini phiya äng utu ini mäyei, a hnih kantha ak ihni thäneyei.”

Uhiyung äng mäichoh tih khäl käh bi äng bäleyei chu. Äi bi khäl äng usum vawng saw iha mäyah. Äichaw a anih käh epret dawn khäl.