Popular Bible Verses from Iphisi 6

Share

Nangkei käh jal che luhchaw äng hiyah, äini nangkei käh jal che nat phunga käh ese khraw khäl äng, khiyuptih khäl äng, pängtih khäl äng awlaw hawna käh khrawse khäl ängtu dä.

Suh tongei chula ni khäl po khäl. Hnadaga känäng uku hawuvei khäl. Asanh chang Khraw la lawm anang dawn saw huih sawkbrat suh tongei khäl. Nangnih nini hlüei saw khäl kheni suh tongei chula hawuvei khäl. Ni koong sawkbrat khak chula mäi khäl, sätak ha hlätai chu. Hnadaga käh khrawng khäl kheni koong suh tong khäl.

Mannat käh kram khäl känäng mama ja hnäng ong nangnih Hnadaga la anang peksaw jal täkdün khäl wat khäl.

Äi koong tua Hnadaga la anang pek saw jal täkdün khäl awat huih wat khäl. Äihi Mannat käh khin lo khaw a nangnih Mannat a nini khawmei hnängai. Awlaw jal päih pänäng ha mama nini mäi hnängai.

Äi pänäng nangnih uyuma kadong huih lawei khäl, äi äng nangnih mannat känäng choi bala lo saw thawl tam nini hiyupal hnängai. Awlaw kri tokkiya a khiyawt tara huih lawei khäl. Awlaw Hnadaga kheu chimsawu huih lawei khäl. Äiche Asanh chang Khraw la anang peksaw.

Awlaw ihisaw a khabaih huih nini cheng äng henei chula mama ja chula mäi khäl. Awlaw nakang chang kündün huih konghmuh äng nakang chang künei. Nangnih thanap nini wat saw la sidawng pawi äng käh jelkhiyamsa nini hiyawkaih saw ächän nini mäi saw dawn.

Uyumtum äng kawhawu, nangnih Boi äng sakei chula Ani la anang pek saw elensum tha äng tha mawh a thänei khäl.

“Nangnih nini nupaw a hmawi pek bäichu.” Niche Hnadaga la täkchah peksaw ana awlaw ni äng khawmei saw ha pongei. Äi huih hi, “Nang koong awpawi thäneyei awlaw nang luhdül äng nawsawk sawuvai.”

Chaw chuhnu khälo, Boi a nini ngei saw huih nangnih nini nupaw kheu ha ngei bäichu. Niche nangnih nini poaih lah saw.