Popular Bible Verses from Yohan 15

Share

“Kei dä grĕp yong, awlaw nangnih äi grĕp yong äng käh oyong. Kei äng u sakei äm awlaw u äng Kei kasakei äm, anih sawk äng awbawng theih theyei. Iyaäm Kei kaw che nangnih iha po hnäng hnawh chu.

Kei äng dä sakei chula mäi khäl, Kei ha nangnih äng sakei ngala kämäiyei. Grĕp yong äng oyong soeiyah pak etheih thei hnängah saw huih, nangnih ha Kei äng soei chu hi nini theih theh yei sawk hnäng hnawh chu.”

Kei äng nangnih nini sakei khaw awlaw Kei käh kheu nini lung äng nini tawkei khaw lala pei nini hlüei saw ni hawuvei bäichu. Nangnih koong äi huih poh hmueyei.

Nangnih Kei a eheh lei hüt chu, äini Kei dä kanang heh lei saw. Kei nangnih a bi kanang khrawk saw nangnih chet hmawna awlaw unung theih thei hnäng hmawna awlaw khawm hmawna. Äihi Kei ming äng Paw känäng ibang nini hawuvei äm äi khäl Ani la anang pekai.

Losulapei ani khanbawn koong awsawk pekei hi, äi thawka che ekhet len mäi tiyah.

Kei käh mawng grĕp yong äng etheih theiyah äm, äi grĕp yong khäl Ani la sah alchakai. Awlaw mawng grĕp yong äng etheih thei äm, äi yong khäl sasat bala asanh poh äi, uhnung äng unung theyal hnäng hmawna.

Kei ni ana kanang pek, Kei ihuih nangnih a kanang khet nawk äm, äi huih nangnih ha hngat la hngat khetei bäichu.

Nangnih sawk äng dä awbawng theih thei hi awlaw Kei tebeih ting nini dawnei hnäng hi Kei Paw la hmawi büneyei.

“Kei dä ekejet grĕp yong awlaw Kei Paw che äi grĕp khanga bitih.

Kei äng sakeyah tih che sah hmueyal tih yong huih, apranga hiyän hmueyalai awlaw äi acha al chakai. Äi yong lumal ula che mei äng tong ula ini chawh alai.

“Ni kheu khäl kanang taksaw Kei käh awpiyaw nangnih lung äng mäi hmawna awlaw nangnih lung awpiyaw äng luih hmawna.

Kei Paw käh kheu ngei ngala ihuih Ani khet äng kämäi äm, äi huih nangnih ha Kei kheu nini ngei hi nangnih ha Kei käh khet äng nini mäiyei.”

Kei nangnih a ni ana kanang pek, nangnih hngat la hngat khetei bäichu.”

Nangnih dä luhdül käh nini thän khaw khrawng khälla ini pum khrawng huih anang khet nawkai hü. Äini nangnih luhdül käh hichu. Kei nangnih a luhdül känäng kanang heh lei saw koong luhdül äng käh khrawng khälla anang mum saw.”