Popular Bible Verses from Yohan 16

Share

Kei nangnih a ni kheu khäl kanang taksaw Kei dukäng mäichula jelkhiyamsa bünei hmawna. Luhdül äng käh khrawng khälla nangnih a dukhah anang pekai, äini nangnih sengkhri tawei khäl. Iyaäm Kei luhdül äng käh khrawng khäla kuhiyum sawk däk.”

Äini Hnadaga käh ihisaw dawnaih tih Khraw lo khaw a Ani la nangnih a ihisaw lawm äng anang chih ei. Ani upum dogo känäng kräu hnawh, äini Ani la awyawk saw dä hawuvaih saw. Awlaw awhmawi mawh äng lo aih saw krong khäl dä hawuvaih saw.

Tutäh siäng nangnih Kei ming äng iha hawuvei hawm chu. Hawuvei khäl nangnih käh piyaw luih hmawna nangnih nini büneyei.”

Äi thän ha Kei nangnih a ihisaw kanang tak, Kei kechetal saw nangnih koong pawi khäh. Iyaäm Kei chetal nga hi äi anang kuaih tih nangnih khäka lo hnawh. Kei kechetal hi nangnih koong Ani a kanang teh pekai. Ani lo bala luhdül äng käh khrawng khäla ngulai khäl awdawnai. Awlaw konghmuh lawm la Hnadaga la tara biyeih saw awdawnai.

Äi huih kawchawng chawng nangnih ha tua dukhah nini bün. Äini nangnih äng awlaw kokhomeiyalai. Äi khaw a nangnih lung awpiyaw äng luih yalai. Äi awpiyaw nangnih känäng hngat la ha anang lawei pekal hnäng ti hnawh.” “Äi hnüp äng nangnih Kei a iha khrawng hiti hnawh chu. Kei nangnih a ihisaw kanang tak, nangnih Kei ming äng Paw khäka lalapei hawuvei bäichu Ani la anang pekai.

Kei nangnih a ihisaw kanang tak, nangnih nini kapai awlaw dukhah äng nini mäiyei. Äini Luhdül äng käh khrawng khäl ini piyaw ai. Nangnih dukhah nini bünai, äini nangnih käh dukhah awpiyaw a thäneyalai.