Popular Bible Verses from 1 Corintios 11

Share

Qana'chi ca'li sóxote ỹim da' liqui'ỹáxac, qana'chi ỹitaxa ỹacona jaso' ỹómaxaqui. Qana'chi 'enaaco': “Jánjo' ỹómaxaqui, naqána jan' náaue da' dálaxaic ỹamaxataxac 'me ỹátaqta táchidiñi qa'e'n naua' mai'chi ỹitauo'. Qana'chi da' ỹivíta da' 'anỹómiiỹi, qana'chi ỹitaxa jaỹim 'aueenachíiỹa.” Chan'eesa da' ỹivíta da' 'aualíquii jánjo' pan, qataxa 'anỹómiiỹi jánjo' ỹómaxaqui, qana'chi 'ená'am da' 'au'axáchiitac da' leleuaxa so' qadesaliaxanec Jesús, cha ỹivíde'ta ga' nolo' qomle n'iỹílaq.

Qá'a jaỹim sachiỹoxoto'ot so' qadesaliaxanec da'me napaxaguenataxanaxac 'me sóxote 'ami sanema da' so'me pí'ỹaq ca'li sétaaque da' qoỹaneuo so' qadesaliaxanec Jesús, qana'chi lasáq'a jaso' pan. Qana'chi ỹanot da' netónaxac ñi' Dios. Ỹim, qana'chi necolaxachiñi jaso' pan, qana'chi 'enaaco': “'Aualíquii jénjo'; naqáina na' mai'chi ỹapat 'me tát'a da' qoỹicolaxatapiỹi da' qaidi 'ami nec'alaxatréegue. 'Av'íchiitac qomle dójo', qaidi sa 'te jaỹim 'aupetelaqaiỹet.”

Chan'eesa ñi' 'oonolec ỹiuen da' cha'li 'uáiñi da' naỹáteetela't. Ỹim, qaama'le ỹalic jan' pan qataxa da' niỹómỹi jan' ỹómaxaqui. Qá'a da' 'uootaxa dequé'e qataxa niỹom, qaláxasa da' sa taỹapíỹi lauel da' ỹalíctac da' ló'oquiaxac so' qadesaliaxanec, qana'chi da'me liqui'ỹáxac qataxa da'me niỹómaxac 'ená'am da' ỹiỹáxataaque ga' ne'uaxánaguec.

Chan'eesa da' 'uo ga' ỹalic jan' pan, 'uootaxa niỹómỹi jan' ỹómaxaqui 'me náaue da' qoueenategue so' qadesaliaxanec, qana'chi da' 'uootaxa qaỹa 'te 'enec qa'en, na'chi 'ená'am da' sa 'te ỹodiáquenaac da' ló'oquiaxac qataxa naua' letauo' jeso'me.

'Ami 'oquiit'egue qomle jaỹim, 'ená'am da' séet'ec da' sequétapegue' so' Cristo.