Popular Bible Verses from 1 Corintios 15

Share

Chan'eesa 'ami ñauotaxa'u ỹaqáỹa', qaỹo' qomle ga' 'aupaquiỹáaque, 'oquiit'ot da' 'av'íchiitac da' l'onataxanaxac so' qadesaliaxanec. Qá'a 'ami 'auaỹáchiñiita da'me 'ad'onataxanaxaquii da' 'au'onataxañiitapecot jeso'me, ỹátaqta sa ỹisamaxáỹi.

Qaláxasa ỹátaqta jalcote da' qantónaxac ñi'me Dios da' qo'mi ỹanema da' semataxanaq, chiỹoqóchiỹi qa'en so' qadesaliaxanec Jesucristo.

'Ená'te da' 'ami noqovíñii's qomle. 'Ená'am naale da' 'enaac di' n'aqtac: “Ga'me siỹaxaua qalhuaxaic n'áxat ga' 'ónaxaic jaloic ga' laqáỹa.”

Qaláxasa da' ñi' Dios jaỹim noq'oỹá'ac, qana'chi ma'le séeta ga'me séeta. Da'me ñoq'oỹáguec sa 'te qaỹa ga'me chiỹaqaỹi. Qá'a jaỹim ỹágueegue da' ỹ'onataxanaxac, napacalégue ỹima na' namaxa'spi laỹi. Temaqaidi da'me sa 'te mai'chaỹim, jaldáta da' ñi'me Dios 'me jaỹim noq'oỹá'ac.

'Am neleuaxa, ¿'te hua'ague ga'me 'adoiquiaxac da'me qo'mi 'au'quemaqtet'ape? 'Am neleuaxa, ¿'te hua'ague ga'me 'auenapéga 'adep'adégaxanaxac da' 'aumataxan?” Da'me ỹachiỹoxotapíỹi da' lañoqtaxanaxac da' neleuaxa da' qo'mi ỹi'quemaqte't, naqaida da' n'etaxalóxo. Qana'chi na' laqátaxacpi ñi'me Dios, naqaida 'me nichíỹaxateegue da' lañoqtaxanaxac da'me n'etaxalóxo.

Qaláxasa sétaaque da' 'auaỹáchiñii da'me sa di'ỹoq da' sa ỹima da' qadeleu, qaláxasa ỹima qomle da' qo'mi qoỹiléemaxa't. Qaláxasa ỹátaqta nepeláxateta qomle dójo', 'ená'am da' 'chi naqatégoxoñi ga' siỹaxaua, qomle qodemachíỹa jaga' p'áteegue naseedáxanaxac. Qomle qodaseedaxalquéna, qana'chi jen' napa'lpi qonec'alaxadiséguem. Huá'a, qana'chi sa ỹitaxa taa'le ỹileu. Qataxa qo'mi qoỹiléemaxa't qomle.

Qá'a dójo' neleuaxa chiỹoqóchiỹi josii'chi so' 'oonolec siỹaxaua, qataxa nataq'en chiỹoqóchiỹi so' siỹaxaua laqáỹa da' qonec'alaxadiséguem na' napa'lpi. Qá'a jeda'me 'éeta da' ỹima na' siỹaxadipi da' ỹileu, ỹasouaxat da' ỹoqotéta'uo so' Adán, qana'chi nataq'en táxa 'éeta da' ỹitaxa qonec'alaxadiséguem ỹima jen'me ỹasouaxat da' ỹoqotéta'uo so' Cristo.

Qá'a da'me qadó'oquiaxac 'me 'uo di' loiquiaqa', jeda'me ỹiuen da' qoỹin ỹaañi ga'me qaỹa 'te loiquiaqa'. Qana'chi jeda'me qadó'oquiaxac 'me sa qaloc, qana'chi ỹiuen qoỹin ỹaañi da' sa qaloquéta.

Qá'a so' Cristo qoỹin net'a, cha ỹivíd'a ga'me nolo' qomle ñi' Dios ỹapíaxanaxalégue ỹima na' lauteu'pi. Qana'chi ga'me p'áteegue nautéua 'me qonoláxachiñi, naqaiga ga' neleuaxa.