Popular Bible Verses from Gálatas 5

Share

Qaláxasa da'me jaláỹaxac ga' neta'nỹet so' Espíritu Santo, 'eet'oi: 'Uo da' lesóxodic, lamaic, lelagaxadic, neuálaxainaxac, loqopi'chidíỹaxac, ỹamaqtaxanaxaic, qataxa nepé'et, sa jágaqtenaxaic, qataxa netelela't. Ga'me 'ená'am jénjo'pi, qana'chi qaỹa 'te ỹañoxot taa'le ỹicocháxac ga' siỹaxaua.

Da'me senaac 'eet'oi: Ỹátaqta 'oquiit'egue qomle ga' 'éetapeec so' Espíritu Santo, qaidi sa 'oquíitapegue' ga'me 'éetapeec da' 'adapáchiỹaxaquii.

Qá'a jeda'me qad'óiỹaxac chiỹoqo'ot so' Espíritu Santo, chan'eesa n'óota qomle semacháq'a naqaiso 'me sasoxolégue ỹima jen'me s'étaqtacpi.

Qataxa ga' siỹaxaua 'me sóxote da' lalémaxaset so' Cristo, qana'chi jega'me 'ená'am da' sóxote da' qoỹip'enaséguem da' ló'oquiaxac, cásee'megue ỹima na' loqopi'chidíỹaxac qataxa jen'me lanatecpi.

Huá'a, qana'chi qaỹa 'te laqalaic da' di'ỹoqóta jen' n'onataguec ga'me quétapegue' da' mai'chi lapáchiỹaxac, 'eet'oi: leuauátac jaga' sa loua, qataxa ỹauapiỹi naua' paanaxadáiqa, qataxa 'uonáxaỹaic, qataxa da' qontamenot na' 'chi nadénaqtacpi, qataxa ỹacona ga' laqáỹa, qataxa da' niquiỹáxa, 'oquiáxaic qataxa c'álaxanaxaic, sa ỹoxó'ña, qataxa d'onataxanot da' 'chi naquitaxac, qataxa niỹotapega't qa'en na' siỹaxadipi. Nataq'en jen'me quiỹáxanaqtáqaicpi, laataxanaxaicpi, ỹómaxaicpi, qataxa qui'ỹáxaicpi, qataxa 'uo na' lanatecpi 'me ỹ'étetac 'ená'am dójo'. Ỹátaqta sichoxotet'ema, 'ená'am so' ca'li 'ami s'axatema, qomle 'uo ga' ỹ'étetac jen' 'ená'am jénjo', qana'chi jega'me sa ỹaqanatet qomle da' ỹaconeguet ga' l'onataxanaxac ñi' Dios da' ỹilolquéna.

Qá'a 'ami ỹaqáỹa', 'ami qoỹiỹáxanalo da' qaidi 'ami huesóte'. Qaláxasa jaldato' qomle da' sa 'auálaxañiỹa't dójo' 'ansoxoquii da' 'uootaxa 'av'íchii ga'me 'éetapeec da'me 'adapáchiỹaxaquii. Jaldato' da' ñi' 'oonolec da' 'oñíita ỹilo'oguet ga' laqáỹa, ỹasouaxat da' 'adesóxodiquii.

Qá'a jen' 'éetapeecpi ga' 'chi siỹaxaua sa neuoté'ne' ga'me 'éetapeec so' lepaqal ñi' Dios. Qataxa so' nepaqal nataq'en sa neuoté'ne' ga'me 'éetapeec ga' 'chi siỹaxaua. Na'chinaua 'me sa neuotena'salo. Chan'eesa sa 'auañoxochii da' 'av'íchii ga'me mai'chi 'oñíitapeec.

Qá'a ỹima jen' naqátaxacpi 'oonolec da'me lasoxoc 'me ỹimata'a't, 'eet'oi: “'Auchoxoden ga' 'adaqáỹa, 'ená'am 'auen da' mai'chi 'anchoxodeela't.”

'Ená'te qo'mi ỹ'oxodénaxaiqa qomle, qataxa ñi' 'oonolec 'ená'te taa'le ỹalemataxanaxáatac ga' laqáỹa, qataxa 'ená'te taa'le ñiquiỹáxasoqot'a't.

So' Cristo qo'mi ỹisodéegue, qaidi qo'mi huesóte'. Chan'eesa 'ami 'ená'te 'axañíỹi qomle da'me dójo' 'ansoxoquii. Qataxa 'ená'te 'av'iỹílqaiỹa qomle da' 'chi 'ami nelatáqa.