Popular Bible Verses from Lucas 12

Share

Qana'chi 'ami nataq'en ỹátaqta 'anỹamaxachiita't qomle, qá'a qomle 'uootaxa sa 'te 'uo ga' taỹapíỹi 'adai'lídii', qana'chi nóvi' jen'me siỹaxaua lec'óxot.

Qaa'le 'ami 'ademiilégue qomle da' l'onataxanaxac ñi'me Dios da' ỹimata'a'téna, qaidi 'ami taỹoto ỹima jen'me.

Nataq'en 'enaaco': —Ma'choqo' qomle, 'avichiỹa'aguet qomle ỹima na' noqopi'chi, qá'a da' l'óiỹaxac ga' siỹaxaua sa ỹachiỹoxotaỹi jen'me sa lec'óxotolec lesaliaxa 'me huet'ot.

Qá'a jidi'me huet'ague da' 'adesaliaqai, naqaidi 'me huet'ague jan' 'adiquidiaqchii.

¿Jái'chogamaxa 'oonolec da' 'oñíita da' ỹágueegue da' lachitataic, qana'chi ỹañoxot da' nichíiseguem da' jaloc?

Joca'li ỹim, qana'chi so' Jesús 'enapego' so'me lapaxaguenatacpi, 'enaaco': —Naỹi 'ami senapegalo: 'Ená'te qomle da' 'ami ỹaquicoqte't ga'me 'aualíquii qataxa ga'me 'anapotóñi'ña.

Qá'a na' laỹoxot ñi' 'oonolec da' 'oñíita ỹivíd'a ỹima da' qonaloqten. Chan'eesa 'ená'te qomle da' 'au'óitac, qá'a 'ami ỹágueegue da' 'adaso'víỹaxaquii. Sa 'oñí'ỹam da' laso'víỹaxac na' mai'ỹopiolec.

'Ena't qomle da' 'au'óiỹi, 'ami 'me 'oñí'ỹam jaga'me ỹalémaxasete n'aanaxate 'me ỹiloise. Ỹátaqta 'ami sa 'amaqtáchi, qaláxasa jiñi'me 'adet'ai ỹátaqta 'ami ỹiỹamaxadéete' da'me 'aneuáñiỹa'uo qa'en da'me l'onataxanaxac da' ỹimata'a'téna.

'Ami 'auc'achiñii jen'me poipi, jen'me sa danaxan qataxa sa daqataxan, qataxa qaỹa ga' lachoxónaxaqui qataxa qaỹa ga' ladetáxanaxaqui. Qalqaiga ñi' Dios ỹiqui'ỹáxatac matemané'e maỹo'pi. ¡'Ami, qaa'le ỹágueegue da' 'adaso'víỹaxaquii, sa 'te da' 'oñí'ỹam jen'me maỹo'pi!

Chan'eesa 'ená'te qomle da' 'ami ỹaquicoqte't da' 'uootaxa 'anmichíitaaque ga'me 'aualíquii qataxa jega'me 'anỹómiiỹi.

Qaláxasa da' na'chi 'éeta dójo' ñi' Dios da' n'étaxanaxan jen' 'chi 'auaqapi 'me huétai'ỹa naỹi na' n'ónaxa, qaláxasa qomle néte' qana'chi qoỹavíỹaxat, qoỹasaxánỹi jaga' nec'oỹoxonaxaqui, qaláxasa ¡hua'ague toqo' da' sa 'éeta da' 'oñíita 'me sa 'amaqtaq da' 'adip'iỹáxaquii!

Qá'a qaỹa ga'me lasoxoc sa di'ỹoq da' 'uootaxa sa qoỹilá'a, qataxa qaỹa ga'me qoỹoxotétapiiñi da' 'uootaxa sa qoỹaỹáten.