Popular Bible Verses from Lucas 13

Share

—'An'añaxachiiỹo' qomle da' 'aunoxoñiiuó'o ñi'me som 'me sa lecaỹi, qá'a jaỹim senaac da' ỹátaqta jalcote qomle na' sétaaque da' ỹinoxoneuo, qaláxasa sa ỹañoxot.

Huétauo jaso' ỹauo 'me sóxote dieciocho 'uóidi da' sa nó'in. 'Uo jeso'me lé'ec paiỹac 'me ñ'ítañi qa'en, qana'chi jaso'me sa ỹachimaxaséguem. Qana'chi so' Jesús joca'li ỹilá'a, qana'chi ỹiỹáxana qo'enapego', 'enaaco': —'Am ỹauo, naỹi ma'le huesóteegue da' 'adeleuaxa.

Qana'chi huaselelégue jaso'me, huá'a, qana'chi jaso'me ỹañoxot da' ỹachimaxañi, qana'chi jaso'me ỹi'ỹoxodéetac ñi' Dios.

Huá'a qomle, qana'chi 'uo qomle naỹi jen'me te'me nec'ataxáatauo, qana'chi naqáina qomle na' 'uáueegue; qataxa 'uo qomle jen'me naỹi 'uáueegue, qana'chi naqáina 'me qoỹip'áxateegue qomle.

Qá'a jega'me loxot ga' 'emec, da' sóxote ñíseguem, qana'chi ỹapadínỹi ga' nasom ga' l'emec, qana'chi 'ami 'me 'aup'áitaiỹi, qana'chi 'aviỹáxañiitapee'uo jega'me som da' 'oñiit'oi: “'Am qadasoxola', qo'mi 'au'ouáteeta.” Qaláxasa jega'me ỹ'at, 'enaac: “Neegue't, sa saỹáten jega'me 'auachiỹoqoi'ỹague 'ami.”

'Ai', sa naq'áita. 'Ami nataq'en da' sa 'auaxañiidéegue jenaa'me 'adoicódii', nataq'en 'ená'uac da' 'oñíita 'adelivii.

Qaláxasa jega'me 'ami 'enapegalo, 'eet'oi: “Jaỹim ma'le 'ami senapegalo da' jaỹim sa saỹáten ga' 'auachiỹoqoi'ỹague. Jaỹim 'oquí'ỹai qomle 'ademíiỹa da' 'oñíita, ỹima 'ami 'me 'av'íchiitac da' sa nó'in.”

Qataxa 'enaaco' so' Jesús: —¿Nái'cho' jogamaxa 'ená'am qasen da' l'onataxanaxac ñi' Dios 'me ỹimata'a'téna? ¿Jái'chogamaxa saloqtenaxana? Jeda'me 'ená'am qasen jaga' jala jan' lenaxat mostaza da' ga' siỹaxaua ỹacona, ỹim, qana'chi ỹaalégue ga' n'aléua, ỹim, qana'chi naséguem, cha ỹivíde'ta da' 'ená'am jaga' 'epaq ỹátaqta lat'édai. Ỹim, qana'chi janac jen'me maỹo'pi, qana'chi ỹí'et na' lepata'j, ỹanaỹilo naua' lepeel.