Popular Bible Verses from Matthew 21

Share

သင်တော့ဖယ်အရာကော်မဆို ယုံကြည်မှုရှိရှိန ဆုတောင်းခါ ဟဲင်းအရာကော် ရရှိမှာပဲ ဖြစ်ဟယ်" လောက် မိန့်တော်မူလေဟယ်။

ဟဲင်းခါ ကိုယ်တော်ဟ ဆူ့တော့ကော် "သင်တော့ကော် ငါအမှန်တိုင်းပြောမဲင်။ သင်တော့ဟ ယုံကြည်မှုရှိမောက် သံသယကင်းမဲ့ကြခါ ငါဟ အဲသဖန်းပင်ကော် လုပ်သလဲ သင်တော့လဲ လုပ်နိုင်ကြရုံသာမက အဲတောင်ကော် 'ရွေ့ဟားမောက် ပင်လယ်ထဲကော် က္လစေ' လောက်ပြောခါ ဟဲင်းအတိုင်းဖြစ်မှာ ဖြစ်ဟယ်။

ကိုယ်တော်ရဲ့ရှေ့ဟနေဆွားတဲ့ လူထုပရိတ်ဆတ်တေန နောက်မှလိုက်တဲ့ လူထုပရိတ်ဆတ်တေဟ "ဒါဝိဒ်ရဲ့ဆားတော်ကော် ချီးမွမ်းပါဟယ်။ ဘုရားရှင်ရဲ့နံမေန ကြွလာတော်မူတဲ့ ကိုယ်တော်ဟ မင်္ဂလာရှိပေဟယ်။ ဘုရားရှင်ရဲ့ဂုဏ်ကျေးဇူးတော်တေကော် ချီးမွမ်းပါဟယ်" လောက် ကြွေးကြော်ကြလေဟယ်။

ကိုယ်တော်ဟ ဟဲင်းလူတေကော် "ငါရဲ့ဗိမာန်တော်ကော် ဝတ်ပြုဆုတောင်းဆမားတော့ရဲ့ အိမ်တော်လောက် ခေါ်ကြလယ်ဝ သင်တော့ဟ ဟဲင်းနေရာကော် သူခိုးတေရဲ့ ခိုးအောင်းရာနေရာဖြစ်အောင် လုပ်နေကြဟယ်" လောက် မိန့်တော်မူလေဟယ်။

'ဂျေရုဆလင်မြို့ဆားတော့ကော် ပြောလိုက်ပါ။ ကြည့်ကြပါ။ သင်တော့ရဲ့ ရှင်ဘုရင်ဟ နှိမ့်နှိမ့်ခ္လခ္လ န မြည်းငယ်ကော် စီးမောက် ကြွရောက်တော်လာဝေါက်' ဆိုတဲ့ စကားဟ ပ္လေ့စုံမှာဖြစ်ဟယ်" လောက် မိန့်တော်မူဟယ်။

ပြီးခါ ကိုယ်တော်ယေရှုဟလဲ "'တိုက်ဆောက်ဆမားတေဟ အရေးမပါဘူးလောက်ထင်မောက် ပစ်ပယ်ဟားတဲ့ ကျောက်ဟ အရေးပါဆုံးထောင့်ချုပ်ကျောက် ဖြစ်လာဟယ်။ ဟဲင်းအံ့ဖွယ်အမှုတေကော် ဘုရားရှင်ဟ ဖန်ဆင်းတော်မူဟယ်' ဆိုတဲ့ကျမ်းစာကော် သင်တော့မဖတ်ဖူးကြဘူးလား။

ဟဲင်းကြောင့် သင်တော့ကော် ငါပြောမဲင်၊ သင်တော့နားဟနေ ဘုရားရှင်ရဲ့ဆာဆနာတော်ကော် ဆိမ်းယူမောက် ကောင်းမွန်တဲ့အဆီးအပွင့်တေ ပြုလုပ်နိုင်ဆမားနားကော် အပ်နှင်းတော်မူမှာဖြစ်ဟယ်။