Popular Bible Verses from Najə̄ kə́ Majə yā Jeju ń Luk ndang ní 4

Share

Ndíĺ Kɔ́ɔ̄ɓē i dɔḿ mā tə́. Tɔdɔ̄ ni-*ur yibə̄ dɔḿ tə́ gə̄rām̄neé i yā kadə̄ m-āw̄ m-ə́dá ngé ndoō gə̄ Najə̄ kə́ Majə. Ni əlam̄ i kadə̄ m-āw̄ m-ə́da dəngáy gə̄ na a ɔrə̄n̄də́ dəngáyá ō, i kadə̄ m-āw̄ m-ə́dá ngé kum tɔ̄ɔ̄ gə̄ na a télən̄ yā ka̰a̰ loo gogə́ ō, i kadə̄ m-āw̄ m̄-taā ngé gə̄ ń rāān̄ kumdə́ ndoō tə́ ní jī madə̄ ba̰ā̰də́ gə̄ tə́ m-ə́yá̰də́ dɔɔ́ ō, i kadə̄ m-āw̄ m-ə́da de gə̄ najə̄ yā ɓāl̄ ń Nə́ɓā a rāań kem majə kə de gēé ní ō.

Ba Jeju tūr̄ ədan na: I kə́ ndang kem makətūbūú na i Kɔ́ɔ̄ɓē Nə́ɓā yāí ngóy n ā rɔȳn ní ō, i ni ngóy n ā ī-rāā kəla yān ō ní.

Jeju tūr̄ ədan na: I kə́ ndang kem makətūbūú na deē a ndi kə kumneé i kə ta kūl̄ yá̰a̰ kəsaá ngóy alé.

Jeju ń *Ndíĺ kə́ Táĺ rosə kemən ní tél bā Jurdḛ tə́, anī Ndíĺ kə́ Táĺ ɔrən ta róbə aw̄ seneé kem dəla loo tə́. Ni-ndi noó ndɔ̄ kutə sɔ́

Ba Jeju tūr̄ ədan na: Makətūbə̄ yā Nə́ɓā əda na, ā ī-nāā Kɔ́ɔ̄ɓē Nə́ɓā yāí alé.

Dan ń *diabəl təgā yá̰a̰ gə̄ ń kadə̄ ni-nāań Jeju ní malang anī əya̰n ba ɔr̄ rɔ̄n sa̰y kɔ̄ɔ́ rɔ̄n tə́, bátə́ kadə̄ ndɔ̄ kə́ rang ugə̄ń.

*Diabəl aw̄ seneé dɔ loo kə́ kḭḭ kə̄ dɔɔ́ tə́, ba ɔjən ɓē ko̰o̰ gə̄ malang kə́ dɔ nang tə́ adə̄ a̰a̰də́ gidə kógə̄ḿ, ba ədan na: M-ā m-ādī tɔ́gə dɔ ɓē ko̰o̰ gə̄ ń noō tə́ malang ō, kɔsə gɔn kə́ tū tə́ ō. Tɔdɔ̄ télən̄ kə yá̰a̰ gə̄ ń noō malang adə̄mə̄n̄ i mā adə̄ deē ń kemḿ ndigə anī m-ā m-ādə̄n. Adə̄ ré ī-rɔȳm̄ anī, yá̰a̰ gə̄ ń noō malang i yāí tə́. Ba Jeju tūr̄ ədan na: I kə́ ndang kem makətūbūú na i Kɔ́ɔ̄ɓē Nə́ɓā yāí ngóy n ā rɔȳn ní ō, i ni ngóy n ā ī-rāā kəla yān ō ní.

Gō tə́ anī *diabəl aw̄ kə Jeju *Jerusalem, aw̄ əndān jam *kújə yā Kɔ́ɔ̄ɓē tə́ ba ədan na: Ḭ̄ i Ngōn̄ Nə́ɓā ní ə́ya̰ jīí dɔɔ́ ə̄sō nang tə́. Tɔdɔ̄ i kə́ ndang kem makətūbūú na Nə́ɓā a əda *de kə́ dɔ rā̰ tə́ yān gə̄ kadə̄ a ngɔ̄mə̄nī. Tá ndangən̄ ɓáý to̰ na: A ətōnī ta jīdə́ tə́ dɔɔ́ yā kadə̄ mbal̄ əga njaí alé. Ba Jeju tūr̄ ədan na: Makətūbə̄ yā Nə́ɓā əda na, ā ī-nāā Kɔ́ɔ̄ɓē Nə́ɓā yāí alé.