Popular Bible Verses from Najə̄ kə́ Majə yā Jeju ń Luk ndang ní 5

Share

Dan ń ɔr̄ najə̄ oy anī əda Simo̰ na kə ɔsə to kə aw̄ń dan ɓūlūú ba kə ɓōkə́n̄ réng yādə́ kə əhɔn̄neé kānjə̄.

Banī Simo̰ tél ədan na: Ngoljí, j-a̰a̰ tápə̄ ndɔ̄ɔ́ laā bátə́ loo tīī dɔ jí tə́ kanjə̄ kəhɔ yá̰á̰ kógə̄ḿ. Ba dan ń i ḭ̄ n ə́da najə̄ ní, m-ā m-ə̄nā réng maná. Nin̄-ənīn̄ réng maná əhɔn̄neé kānjə̄ ngá̰ý adə̄ réng yādə́ a sāā i gán̄g.

Ba Jeju a ɔr̄ rɔ̄n i kə kérneé i kem loo gə̄ kə́ ɓē gətóo tū tə́ n a ndɔ̄ȳń ní.

m̄-reē i ɓāŕ de kə́ súmūú gə̄ tə́ alé, ba i ɓāŕ ngé rāā majaĺ gə̄ tə́ kadə̄ tūrə̄n̄ háĺdə́.

Dan ń Simo̰ Piyer a̰ā̰ tītə̄ ń noō anī əsō nang tə́ nja Jeju tə́ ba ədan na: Kɔ́ɔ̄ɓē, ī-tél kə̄ gogə́ na mā i nge rāā majaĺ.

Jeju tūr̄ ədadə́ na: I ngé rɔ̄ ngan̄g gə̄ n i ngé sāā nja doktóŕ ní alé, banī i ngé mo̰y gə̄ n i ngé sāān gə̄ ní.

Loo ń noō tə́ Simo̰ ō madə̄n gə̄ ō, tél reēn̄ kə to yādə́ gēé gogə́ ta gógə́ tə́. Nin̄-əya̰n̄ yá̰a̰ yādə́ malang ba unən gō Jeju.

Tā anī Jeju ugə̄ kem ɓē kə́rēý tə́. Deē kógə̄ḿ kə́ rɔ̄n i bānjə̄ malang i tū tə́ noō ō. Dan ni-a̰a̰ Jeju anī əsō ɔsə non nang tə́ non tə́ ba rāān ɓɔ́ əda na: Kɔ́ɔ̄ɓē, ré ī-ndigə anī ásə rāā kadə̄ rɔ̄ḿ *unjə̄ njáý njáý. Jeju əla jīn ɔdənəń ba əda na: m̄-ndigə, ādə̄ rɔ̄í *unjə̄ njáý njáý! Anī kə̄ ta jī tə́ noō bānjə̄ ur̄ rɔ̄ deē ní tə́ kɔ̄ɔ́.

Rī Jeju ɓār̄ ba tél ɓār̄ ɓáý to̰, adə̄ kósə de gə̄ ngá̰ý kánə̄n̄ naā yā koō najə̄ kɔrə̄n ō, yā kadə̄ ni-rāādə́ kadə̄ rɔ̄də́ ngáā ō.