Popular Bible Verses from Najə̄ kə́ Majə yā Jeju ń Luk ndang ní 8

Share

Ngé gə̄ ń tə́sōn̄ nang kə́ majə tə́ ní, i ngé gə̄ ń oōn̄ najə̄ yā Nə́ɓā i kə kem kə́ súmūú ō, kə́ majə ō, əren̄ tadə́ nják ngɔ̄mə̄n̄ najə̄ ní adə̄ kumdə́ to ō ní.

Ngé gə̄ ń tə́sōn̄ dan kōn̄ gə̄ tə́ ní, i ngé gə̄ ń oōn̄ najə̄ yā Nə́ɓā ba teē kə̄ danaá anī gír̄ najə̄ gə̄, kə yá̰a̰ kənge gə̄, kə yá̰á̰ kə́ to rɔ̄nel̄ kə́ dɔ nang tə́ gə̄ taān̄ dɔdə́ kɔ̄ɔ́, adə̄ kumdə́ mbujə alé ní.

Ngé gə̄ ń tə́sōn̄ dɔ ngonjə̄ tə́ ní, i ngé gə̄ ń oōn̄ najə̄ yā Nə́ɓā anī taān̄ kə rɔ̄nelēé banī əya̰n̄ najə̄ ní adə̄ əla ngəran kemdə́ tə́ aĺ ní. Nin̄-taān̄ kem i kum mbang kə́ sḛ́ý beē tə́ ngóy. Ba dan ń nge gól̄ loo gə̄ nāādə́ anī, lōōn̄ gír taā kem najə̄ ní tə́ kɔ̄ɔ́.

Gō tə́ anī Jeju əda ngé ndóō yá̰a̰ yān gə̄ na ké taā kem yādə́ n ké to rá wa. Banī ɓōĺ rāādə́ ō, ɔr kumdə́ ngá̰ý ō. Anī nin̄-ədan̄ naā dɔ dáńdə́ tə́ na ké deē nəkɔ́ ń toō i náā áké əndā dɔ néĺ tə́ ō, man̄ tə́ ō, adə̄ oōn̄ tan beé wa.

Ngé gə̄ ń tə́sōn̄ kadə róbə́ tə́ ní i de gə̄ ń oōn̄ najə̄ yā Nə́ɓā ba gō tə́ anī *diabəl reē ɔr̄ najə̄ ní kemdə́ tə́ kɔ̄ɔ́, na sōgə́ taān̄ kem kadə̄ ajən̄.

Tɔdɔ̄ yá̰á̰ kə́ to loo mundə̄ tə́ kə́ kadə̄ dɔ teē ndágá aĺ gətóo ō, yá̰á̰ kə́ to loo ɓɔ̄ɔ̄ rɔ̄ tə́ kə́ kadə̄ deē ger̄ aĺ, aláa reēn̄neé loo kə́ unjə̄ kow tə́ aĺ gətóo ō.

Dan ń dəyá̰ ní a̰ā̰ kadə̄ gírən teē dɔɔ́ kɔ̄ɔ́ anī, gān̄g a ndew kə kérneé yakə yakə. Ni-reē əsō nang tə́ nja Jeju tə́, ba ɔjə gíŕ yá̰á̰ ń rāān á ɔdəń rɔ̄n ní ta kum de gə̄ tə́ malang ō, ɔjən loo gān̄g ń mo̰y mósə gān̄g dɔn kə̄ ta jī tə́ noō ní ō. Anī Jeju ədan na: Ngōnə̄ḿ, taā kem yāí ajiī, ba āw̄ kə kem sɔl̄ lɔmɔɔ́.

Ngé ndóō yá̰a̰ gə̄ ndɔ́tə̄n̄ kə̄ rɔ̄ Jeju tə́ ngɔr, ndól̄nən̄ dɔ ɓīī tə́ ba ədanən̄ na: Ngoljí, ngoljí, tají a tḭ̄ḭ̄! Jeju ndól̄, ba ndán̄g nél ō, bəngál man̄ ō adə̄ dəban̄. Loo tél to kúkúkú kɔ̄ɔ́.