Popular Bible Verses from 1 Timotéo̱ 5

Share

Xí mbáa tsíxná-gamiéjuun rí mambáñúú xa̱bo̱ tsí mijngi jaꞌñúú, jamí i̱tha̱án máꞌ tsí ñajúún xa̱bo̱ guꞌwóo̱, xa̱bo̱ tsúꞌkhue̱n niniñuu-ranimbo̱o̱ꞌ rí nanimba̱ꞌlóꞌ juꞌyáá, jamí i̱tha̱án máꞌ ra̱máján naꞌnii̱ ikhaa̱ xó rí mbáa tsí tsínimbo̱o̱ꞌ jaꞌyoo Ana̱ꞌlóꞌ.

Ma̱xáta̱xpríguíí mbáa táta̱-xi̱ꞌñú, a̱ꞌkhue̱n gakon, arathán-máꞌáa̱n asndo xómá ana̱a̱ꞌ. Xómáꞌ tsí jñáma rá, athañúu̱ asndo xómá dxíya̱a̱ꞌ.

Xómáꞌ xa̱bo̱ buanuu tsí máján nune̱-mbáníí ñajun drígu̱ún, jaꞌyoo rí mi̱tiamakúu̱n i̱tha̱án xóó. Jamí i̱tha̱án máꞌ tsí nuthan-raꞌa jamí nusngáá.

Ma̱xáꞌcha̱a̱ꞌ guéño rí ma̱ta̱xkráma idxu̱u̱ asndo nimbáa rí ma̱nindxu̱u̱ xa̱bo̱ ede̱, ni máꞌ ma̱xátha̱ne̱ mangáánꞌ aꞌkhán rí nune̱ i̱ꞌwíin. I̱wa̱á máján rí ga̱ꞌne máꞌ xúꞌkhue̱n jaꞌwu a̱kia̱anꞌ.