Popular Bible Verses from 1 Timotéo̱ 4

Share

Nimbáa ma̱xándxaꞌwá-mina̱ꞌ rí nda̱a̱ numaaꞌ numuu rí xóó dxáma ñajwaanꞌ. A̱ꞌkhue̱n gakon, araxná-mina̱ꞌ tsiakhe̱ rí ma̱nindxa̱a̱ꞌ mbá xkri̱da mbuyáá i̱ꞌwíin tsí nanimbu̱únꞌ juyáá Ana̱ꞌlóꞌ. Máján gáꞌne mbá xúgíí xó rí na̱tsi̱ndxákuun, xó rí nathane̱, xó rí nandaaꞌ xtañúú xa̱bo̱, xó rí wéje̱ a̱kia̱anꞌ ná inuu Ana̱ꞌlóꞌ, xúꞌkhue̱n máꞌ xó rí jaꞌwu xtaa.

Maske máꞌ lájwíin nambáyúu ná xuyalóꞌ rí nu̱ꞌne̱-tsiakhe̱-mijnálóꞌ rí nuꞌtsínlóꞌ, i̱tha̱án máꞌ nambáyálóꞌ mbá xúgíí rí nu̱ꞌne̱lóꞌ rí nandoo Ana̱ꞌlóꞌ. Numuu rí rúꞌkhue̱n nambáyálóꞌ awúun mbiꞌi rí juwalóꞌ xúge̱ꞌ jamí mangaa máꞌ awúun mbiꞌi rí ma̱ꞌkha̱ nda̱wa̱á.

A̱tia̱wa̱án xtaya-mina̱ꞌ máꞌ ikháánꞌ jamí a̱tia̱wa̱án xó rí narasngúún xa̱bo̱. Ariajún xa̱ꞌ ná ajngóo Ana̱ꞌlóꞌ, numuu rí ído̱ nathane̱ rúꞌkhue̱n, ma̱tha̱ne̱-jríya̱ꞌ-mina̱ꞌ máꞌ ikháánꞌ jamí ma̱jáwíin tsí nu̱dxawíín rí narathán mangaa.

Mbá jaꞌwu máꞌ iꞌthán Xu̱u̱ꞌ Ana̱ꞌlóꞌ rí awúun mbiꞌi rí na̱ka̱-rayámba̱ numbaa, mbá tikhuun xa̱bo̱ mu̱ni̱ꞌñáá-ranimbu̱únꞌ rí nanimba̱ꞌlóꞌ juꞌyáá, numuu rí mu̱ꞌgíi̱ idxúu̱n rí mi̱nduwa nuthan gíñá xkawi̱inꞌ jamí ma̱nimbúu̱n rí nusngáá xa̱bi̱i gixa̱a̱.

Ma̱xátha̱ꞌgíi idxa̱a̱ꞌ rí ma̱ta̱dxawíín ajngáa xkáꞌtsa rí nda̱a̱ gamakuu jamí mi̱nduwa rí nuthan xa̱bo̱. I̱wa̱á máján, araxná-mina̱ꞌ tsiakhe̱ rí ma̱tha̱ne̱ rí nandoo Ana̱ꞌlóꞌ.

Awúun máꞌ rí xóó tsíka gáya̱a̱ꞌ a̱ꞌkhue̱n, ma̱xáta̱tsi̱ꞌñáá rí naraxnuu ajngáa rawuun Ana̱ꞌlóꞌ ná inúú a̱ngia̱nꞌlóꞌ, xúꞌkhue̱n máꞌ arathán-múꞌúu̱n jamí arasngúu̱n.