Popular Bible Verses from Xa̱bo̱ Galásia̱ 4

Share

Rí xúge̱ꞌ rá, i̱ji̱in Ana̱ꞌlóꞌ ñajwanlóꞌ, jamí ikhaa̱ nixuꞌmaa̱ Xu̱u̱ꞌ A̱dée̱ rí ma̱xtáa ná awúun a̱kia̱nꞌlóꞌ. Xe̱ꞌ tsúꞌkhue̱n naꞌne rí mu̱ꞌtháánlóꞌ Ana̱ꞌlóꞌ: «¡Táa, ikháánꞌ ñajwaanꞌ Ana̱ꞌxo̱ꞌ!». Ikhaa jngó, nákha máꞌ yumbáá tsí waꞌtsi̱in ñajwanlaꞌ rí xúge̱ꞌ rá, rí i̱ji̱in Ana̱ꞌlóꞌ ñajwanlaꞌ, jamí mangaa máꞌ tsí mu̱drígúu rí gíꞌdoo Ana̱ꞌlóꞌ ñajwanlaꞌ ga̱jma̱á majñu̱u̱ Krísto̱.

Jamí ído̱ ni̱ga̱nú mbiꞌi rí niꞌgí Ana̱ꞌlóꞌ rá, a̱ꞌkhue̱n nixuꞌmaa̱ A̱dée̱ ná numbaa ríge̱ꞌ. Ni̱gu̱maa̱ neꞌne mbáa a̱ꞌgo̱, jamí nixtáa̱ xómá rí naꞌthán xtángoo. Ikhaa jngó, ndiyoo neꞌtse̱-ri̱ñáaꞌlóꞌ tsáanꞌ nijuwa-ru̱ꞌne̱-mbáníílóꞌ xtángoo, kajngó maguáanꞌlóꞌ Ana̱ꞌlóꞌ rí ma̱nindxa̱ꞌlóꞌ i̱jii̱n.

Xómáꞌ xúge̱ꞌ rá, nu̱ne̱-nuwiinlaꞌ máꞌ Ana̱ꞌlóꞌ, o i̱tha̱án máján mu̱ꞌthánlóꞌ rí ikhaa̱ naꞌne-nuwáa̱nꞌlaꞌ. Náá numuu kajngó nathangáanꞌlaꞌ mbu̱júꞌ ná inuu tsiakhe̱ rí tsíjmaa jamí nda̱a̱ mbá jayu numuu róꞌ. Á nandalaꞌ gánindxa̱ꞌlaꞌ mbu̱júꞌ yumbáá tsí waꞌtsi̱in ná ñawúun ne̱ dxe̱ꞌ.